閔大人 (啟岸)

Open Now

Now Closed

食極邪惡嘅炸雞，最重要當然係豁出去！但豁出去嘅理由，當然係要好味行先，咁先值得。嚟到位於土瓜灣嘅閔大人，餐廳主打韓式炸雞，多種醬汁可以選擇，好味之餘，仲要非常抵食，絕對係極具口碑嘅韓式炸雞選擇。南瓜片南瓜經過油炸之後變得軟身，同外面既脆皮剛好成為咗對比，有外脆內軟嘅口感，加上南瓜鮮甜，作為佐酒小食絕對適合。無骨雞配蒜香醬無骨雞有多種醬汁可以揀，蒜香醬啱晒食唔到辣嘅朋友。蒜香醬係偏甜甜嘅味道，加上淡淡嘅蒜香味，味道充滿層次。無骨雞啖啖肉，蒜香醬上面仲要有芝麻，點綴咗整個菜式。炸醬麵配炸雞翼以小食形式嘅擺盤呈上韓式炸醬麵十分有趣！炸醬麵屬於拌麵嘅一種，所以麵身偏乾唔會令到醬汁變淡，更能夠掛汁，令炸醬面更好味。