Oasis Bar & Grill (Closed)

呢晚到咗位於尖沙咀諾士佛台嘅樓上餐廳連酒吧，見裝修唔錯，啱哂同朋友靜靜地聚下。餐牌選擇都多元化，有小食，前菜，沙律，主菜及甜品等，亦有酒精及非酒精飲品。芒果蟹肉牛油果塔（$168）- 賣相好吸引，三層分別係芒果、蟹肉同牛油果。幾款味道好夾，芒果香甜，蟹肉鮮味，加埋清新牛油果，開胃又好味。 炭燒西班牙栗飼豬鞍配時令蔬菜及焦糖蘋果蓉（$288）- 分量十足，豬鞍厚切，入口肉質鮮嫩，配上焦糖蘋果蓉更突顯肉味。Lemon Fuji（ $88）- 檸檬汁配上梳打同蜜糖，最特別係用蝶豆花製成冰，杯嘢飲一邊飲一邊會轉變顏色。餐廳好有城市綠洲嘅感覺，情調幾好，環境比較清靜，啱哂同情侶或朋友傾偈食飯飲野。