Video
Read full review
2018-08-28
40 views
今日約咗好耐冇見嘅閨蜜，所以特登上網搵間坐得舒舒服服嘅餐廳傾下計，一search之下，搵到呢間喺銅鑼灣Fashion Walk 地下嘅餐廳。門口大大個牌寫住星期一至五5：00 - 7：00，任食精選意大利黑松露菜式及任飲氣泡酒，不過可惜嗰陣已經過咗七點啦，唯有下次再試呢個啦餐廳有室內，又有室外，鍾意開揚啲嘅朋友可以選擇室外，怕熱嘅朋友可以揀室內，舒舒服服嘆冷氣，我呢啲咁怕熱嘅人梗係揀室內啦！餐廳仲分開兩層，下面嗰層就似一個大型嘅open kitchen，感覺家庭式的大宴親朋，比較熱鬧。樓上就比較舒服寧靜。餐廳嘅裝修都好清新舒服，比人一種好relax嘅感覺！餐牌上雖然唔係太多選擇，不過樣樣都好似好好味，好想試呀最後，我地揀左個廚師推介嘅黑松露巴馬火腿三文治， 三文治烘脆成多士，入面夾住巴馬火腿、半溶芝士和黑松露醬，外脆內軟嘅感覺真係好正。小食方面揀左個甜紅椒粉燴地中海八爪魚，有輕微嘅辣，非常惹味，令味蕾相當刺激。 八爪魚新鮮爽口彈牙。主菜方面揀咗個職員介紹嘅新菜式：鮮海膽、蒜蓉及香菜意大利扁意粉，海膽果然夠新鮮， 完全冇腥味， 加埋蒜蓉同香菜，味道又香又鮮，意粉爽口彈牙，條條分明。呢度
今日約咗好耐冇見嘅閨蜜，所以特登上網搵間坐得舒舒服服嘅餐廳傾下計，一search之下，搵到呢間喺銅鑼灣Fashion Walk 地下嘅餐廳。
門口大大個牌寫住星期一至五5：00 - 7：00，任食精選意大利黑松露菜式及任飲氣泡酒，不過可惜嗰陣已經過咗七點啦，唯有下次再試呢個啦
餐廳有室內，又有室外，鍾意開揚啲嘅朋友可以選擇室外，怕熱嘅朋友可以揀室內，舒舒服服嘆冷氣，我呢啲咁怕熱嘅人梗係揀室內啦！
餐廳仲分開兩層，下面嗰層就似一個大型嘅open kitchen，感覺家庭式的大宴親朋，比較熱鬧。樓上就比較舒服寧靜。餐廳嘅裝修都好清新舒服，比人一種好relax嘅感覺！
餐牌上雖然唔係太多選擇，不過樣樣都好似好好味，好想試呀
黑松露巴馬火腿三文治
$108
15 views
0 likes
0 comments
最後，我地揀左個廚師推介嘅黑松露巴馬火腿三文治， 三文治烘脆成多士，入面夾住巴馬火腿、半溶芝士和黑松露醬，外脆內軟嘅感覺真係好正。
甜紅椒粉燴地中海八爪魚
$108
12 views
0 likes
0 comments
小食方面揀左個甜紅椒粉燴地中海八爪魚，有輕微嘅辣，非常惹味，令味蕾相當刺激。 八爪魚新鮮爽口彈牙。
鮮海膽、蒜蓉及香菜意大利扁意粉
$178
11 views
0 likes
0 comments
主菜方面揀咗個職員介紹嘅新菜式：鮮海膽、蒜蓉及香菜意大利扁意粉，海膽果然夠新鮮， 完全冇腥味， 加埋蒜蓉同香菜，味道又香又鮮，意粉爽口彈牙，條條分明。
呢度作為同閨蜜約會嘅地方真係唔錯，環境舒服又寧靜。 大家下次同朋友聚會，不妨都試下呀。
Post
