Video
Read full review
2023-09-13
192 views
原來蘇媽蘇媽開左姊妹店，酒吧完全走另一類型風格，而尖沙咀兩間係哂同一店，出面就係酒吧，入面係大家熟悉嘅蘇媽蘇媽。燈光昏暗幾有情調，環境舒適，有外內座位，啱哂同朋友吹水傾計。仲有個勁大電視，睇波嘅朋友都啱黎。Oolong Gin Fizz Grapefruit $118★★★★☆呢杯係其中一杯Bartender’s Choice，坐喺酒水部前面，可以望住佢調製杯酒，成杯都幾打卡，上面有啲泡沫，飲落先有烏龍茶嘅清香，後有GIN嘅酒味，再有淡淡西柚味嘅清香，成杯酒個層次幾豐富。入口比較順口，但又唔會冇酒味，推薦。 Peachy Sex $118★★★★☆另外叫多左杯Signature Cocktail，簡呢杯都係見個成分比較Fruity啲，飲落都係同預期一樣，個桃味幾濃郁，甜得黎再少少酸，酒味會比上一杯更加出，有酒味但亦唔會勁到難唔到口，女仔飲啱哂！呢杯冇冰要快啲飲，室溫後冇咁好飲。 時令生蠔 ★★★★☆當日時令生蠔只有美國、南非、西班牙三個產地，叫左南非、西班牙呢兩款黎試下，南非蠔偏細隻小小，但食落好甜，個蠔味都幾出。而西班牙呢款明顯明肥大飽滿，掌手咁大左右，食落蠔味較淡，比較上係清甜。整
Oolong Gin Fizz Grapefruit $118★★★★☆
呢杯係其中一杯Bartender’s Choice，坐喺酒水部前面，可以望住佢調製杯酒，成杯都幾打卡，上面有啲泡沫，飲落先有烏龍茶嘅清香，後有GIN嘅酒味，再有淡淡西柚味嘅清香，成杯酒個層次幾豐富。入口比較順口，但又唔會冇酒味，推薦。
Peachy Sex $118★★★★☆
另外叫多左杯Signature Cocktail，簡呢杯都係見個成分比較Fruity啲，飲落都係同預期一樣，個桃味幾濃郁，甜得黎再少少酸，酒味會比上一杯更加出，有酒味但亦唔會勁到難唔到口，女仔飲啱哂！呢杯冇冰要快啲飲，室溫後冇咁好飲。
時令生蠔 ★★★★☆
當日時令生蠔只有美國、南非、西班牙三個產地，叫左南非、西班牙呢兩款黎試下，南非蠔偏細隻小小，但食落好甜，個蠔味都幾出。而西班牙呢款明顯明肥大飽滿，掌手咁大左右，食落蠔味較淡，比較上係清甜。整體味道都唔錯夠新鮮，兩款都係清爽，唔算CREAMY。
千島海鮮薄餅 $158★★★★☆
唔好見個薄餅唔太份又係薄身批以為唔夠食，食落兩個人都好夠。上面餡料好豐富，真係滿滿芝士，一路食一路拉絲。上面海鮮餡料有魷魚、蝦仁、蟹柳，食落滿足。千島醬嘅甜中帶微酸，加上芝士嘅咸味，令到個薄餅味道更有層次，絕對係大人細路都都鍾意嘅味道。
燒鰻魚 $98★★★★☆
燒鰻魚完整一條嘅份量，切好哂方便食，燒到焦香加埋佈面紫菜，餸酒一流！
楊枝甘露雪芭 $68★★★★☆
有齊楊枝甘露嘅芒果、西柚，雪芭偏向似雲尼拿味道，食落有奶嘅味同芒果、西柚幾夾。另外雪芭比較快溶，上完枱要快啲食。
🌟總括：環境舒適，位置夠哂就腳，可以食完蘇媽蘇媽直接去飲番２杯。最欣賞呢到嘅調酒，特別得黎有酒味，易入口，啱哂女仔。野食都中上，生蠔見到有啱食嘅時令款都可以叫。
Post
