SP Flower & Tea Room (尖沙咀中心) (Closed)

因為疫情關係，好多朋友都見少咗！而家疫情好轉，我哋都把握機會約成班朋友出嚟見面！我哋都有物色左幾間餐廳，最尾就揀咗呢間餐廳！因為怕多人，我哋都一早預約咗！我哋嚟到餐廳一坐低就忍唔住影相，因為附近嘅環境都好靚！係嗌嘢食之前，我哋都有睇吓啲食評，似乎人哋對佢嘅甜品都評價好高！但由於我太肚餓啦，所以我都嗌左主食同埋一杯咖啡！我嗌既個杯咖啡好靚唷！叫做焦糖玫瑰棉花糖泡沫咖啡，初時我我都好擔心會好甜，職員都話冇得少甜，但係飲落我又覺得唔算話好甜，入邊嘅咖啡甜度適中，加左棉花糖同少少玫瑰味好好飲主食我嗌左蜜糖伯爵茶汁黑豚肉丼，佢嘅所有配菜都好好食，反而豚肉丼淡而無味，如果個汁濃d會好點