Video
Read full review
2023-10-23
97 views
之前朋友介紹話聚聚個花膠姬松茸冬瓜盅, 足料觧甜, 好抵食。今日約埋同事一齊黎試下先。點知………唔好意思呀, 暫時無冬瓜盅, 因為冬瓜唔當造唔當造唔當造唔當造，我一心黎試呢個花膠姬松茸冬瓜盅咖嘛, 完全醒唔起, 已經入秋🙈好彩, 食物都多種類, 好快就諗好食咩！小蟶濃湯浸時蔬呢個菜好特別, 有一片青檸比你自己加。我地就無加到, 因為同台有人反對😂菜都係保持到爽脆口感, 唔係煮到林哂果種。小蟶無沙而且量都算多。成個餸既主角係個湯, 好香濃既楜椒味, 咁岩天氣涼左, 岩哂, 好快就比大家KO哂。頭抽鮮辣鴨舌有小驚喜, 係用有埋鬚既鴨舌，後段個鬚位有個小肌肉，入哂味好好食咖。雖然叫頭抽鮮辣鴨舌,但辣味唔算好勁，都食到頭抽既甘甜味。唔錯。眼前一亮煙燻雞係等人齊既時候見到係推介之一， 就試試佢。呢個眼前一亮煙燻雞有齊色香味之餘仲有滿足埋視覺享受。上台既時候侍應好好人提提大家， 可以準備電話影底開蓋既一刻。慢慢打圈咁開蓋令到入面既煙慢慢揚出黎， 首先聞到淡淡既煙燻香味。唔好睇佢好深色以為好濃味，食落有淡淡豉油香， Ｄ煙燻味入哂雞肉度，果然好值得推介。椰皇雞燉珍寶花膠話哂都食唔到個花膠姬松茸冬瓜盅，
點知………唔好意思呀, 暫時無冬瓜盅, 因為冬瓜唔當造唔當造唔當造唔當造，我一心黎試呢個花膠姬松茸冬瓜盅咖嘛, 完全醒唔起, 已經入秋🙈
好彩, 食物都多種類, 好快就諗好食咩！
小蟶濃湯浸時蔬
呢個菜好特別, 有一片青檸比你自己加。我地就無加到, 因為同台有人反對😂
菜都係保持到爽脆口感, 唔係煮到林哂果種。小蟶無沙而且量都算多。成個餸既主角係個湯, 好香濃既楜椒味, 咁岩天氣涼左, 岩哂, 好快就比大家KO哂。
頭抽鮮辣鴨舌
有小驚喜, 係用有埋鬚既鴨舌，後段個鬚位有個小肌肉，入哂味好好食咖。雖然叫頭抽鮮辣鴨舌,但辣味唔算好勁，都食到頭抽既甘甜味。唔錯。
眼前一亮煙燻雞
係等人齊既時候見到係推介之一， 就試試佢。呢個眼前一亮煙燻雞有齊色香味之餘仲有滿足埋視覺享受。上台既時候侍應好好人提提大家， 可以準備電話影底開蓋既一刻。慢慢打圈咁開蓋令到入面既煙慢慢揚出黎， 首先聞到淡淡既煙燻香味。唔好睇佢好深色以為好濃味，食落有淡淡豉油香， Ｄ煙燻味入哂雞肉度，果然好值得推介。
椰皇雞燉珍寶花膠
話哂都食唔到個花膠姬松茸冬瓜盅， 就叫返個椰皇雞燉珍寶花膠滋補下。夾花膠出黎果陣，係有少少難度，因為呢膠太大舊， 個椰皇切口頂住左。夾左出黎之後真係呆一呆，你以為一片仔? 係一大舊原件花膠。口感係偏爽身，成隻花膠都吸哂椰皇味，每咬一口都食到椰皇香。好彩無落太多鹽，完全保持到椰皇既清香甜味。
焦糖菠蘿咕嚕肉
擺盤好靚，用心之作。夾起既時候，見到有輕輕拉絲，皮比較厚身但就好脆口，肉應該簡左肥瘦相間果種，林滑有肉香。我個人就覺得可以再酸多少少。朋友們對個菠蘿讚不絕口， 一路食一路話個菠蘿讚好食呀! 個菠蘿讚好甜! 個菠蘿讚好正喎! 😂😂😂
上湯烏冬龍蝦
原來呢個係隱藏菜色，我地見到隔離台食緊，就想睇下幾錢份，搵極個點餐System都無，再搵埋本Menu，都係無……問下侍應，原來Menu係無，限量供應，睇下廚房仲有無先。
好彩比我地叫到最後一份。個蝦身既肉就偏細左D，但味道係十分出色，個烏冬完全入哂上湯龍蝦香味。而且烏冬係煙銀有咬口。
最後叫左幾款甜品, 都唔錯。我估個花膠姬松茸冬瓜盅要等到下年先有得再試! 我唯有黎多次!哈哈!
Post
