博多拉麵別天神 (Closed)

原來別天神已經擴展到北角，離我返part-time地方好近，對上一次食別天神已經係兩年前，所以夜晚放工決定食別天神拉麵。望一望餐牌，發現拉麵嘅價錢同兩年前差唔多，都係$100以下，相當經濟實惠。同日本傳統拉麵店一樣，門口有一部食券機。顧客要先買票，坐低嘅時候再將票交俾師傅。狹窄的通道正正係日本拉麵店嘅特色。由於我早排喺日本食親都係醬油同味增拉麵，今日食清淡啲叫咗豚骨拉麵。別天神採用嘅麵條非常幼身，屬於煙煙韌韌嗰種，伴隨湯底嘅豚骨香味。雖然叉燒比較薄，但勝在肉味濃。最正係性感既糖心蛋，完全無過熟，整體依舊出色。套餐包埋餃子四隻，食完真係好飽好滿足。朋友鍾意濃味既拉麵，所以佢叫左蝦味噌豚骨拉麵。雖然濃味但唔油膩，大量櫻花蝦亦有助減低油膩感。小龍蝦蟹子沙律入面有真．龍蝦肉，而且份量幾多，果然童叟無欺。埋單唔使$200，係香港咁多間拉麵店之中，別天神CP值應該係最高。