老媽拌麵 (THE FOREST) (Closed)

老媽拌麵除了有即食拌麵之外，宜家專門店都愈開愈多，旺角The Forst 都有一間，裝修簡約，開揚舒服。兩點半更有下午茶供應，有台式麵食，肉燥飯，台式蛋餅，刈包及甜品，價錢更為抵食。椒麻手撕雞拌麵$66,配一份前菜及飲品，拌麵可選傳統關廟麵或關廟刀削麵，波浪紋刀削麵比較掛汁，口感Q 彈，手撕雞不會太乾身配隻溏心蛋，味道少麻少辣，配上花生碎同香蔥，更加惹味！前菜是麻醬秋葵。飲品加$10 可配水果茶系列，鳳梨鮮果茶，內有青檸、百香果、鳳梨、新鮮水果及綠茶，清新解渴。另外再加$22 可以追加一款小食，台式香腸是我最愛。還點了一碗清燉三寶牛肉湯麵$82, 三寶有牛腱，牛筋及牛肚，牛筋Q彈入味，牛肚爽口及牛腱軟嫩。湯底清甜，有牛香味，配上蘿白及青菜。湯麵則配傳統關廟麵比較好。