Video
Read full review
2022-05-12
58 views
傾盤大雨，同朋友急急腳搵地方避雨同食飯，經過旺角依間餐廳，決定入去試下！原來佢依加做緊壽喜燒，咁嘅價錢依倒日本和牛幾吸引，緊係要叫。餐牌有好詳細嘅介紹同教學，我地叫嘅Set A有250g日本A4黑毛和牛，日本蘭王蛋2隻，野菜豆腐盤，同任添白飯。當所有菜上左，店員好熱心幫我地起鍋，先用牛油同蔥煎香，再幫我地煎左一片和牛，沾上蛋汁，真係味覺嘅享受。店員同我地講建議牛同蔬菜都可以分一半，一半燒另一半壽喜燒，唔同食法咁可以試晒兩種味道。個人同朋友都中意較厚較小片嘅牛煎香食，而較薄片較大片嘅牛做壽喜燒，可以參考下🤔。除左和牛理所當然好有油花、入口即化、好香牛味，沾埋日本蘭王蛋係再加分，好有蛋味，真係同出面唔同。蔬菜盤都好新鮮。值得一試！
餐牌有好詳細嘅介紹同教學，我地叫嘅Set A有250g日本A4黑毛和牛，日本蘭王蛋2隻，野菜豆腐盤，同任添白飯。
當所有菜上左，店員好熱心幫我地起鍋，先用牛油同蔥煎香，再幫我地煎左一片和牛，沾上蛋汁，真係味覺嘅享受。店員同我地講建議牛同蔬菜都可以分一半，一半燒另一半壽喜燒，唔同食法咁可以試晒兩種味道。個人同朋友都中意較厚較小片嘅牛煎香食，而較薄片較大片嘅牛做壽喜燒，可以參考下🤔。
除左和牛理所當然好有油花、入口即化、好香牛味，沾埋日本蘭王蛋係再加分，好有蛋味，真係同出面唔同。蔬菜盤都好新鮮。值得一試！
Post
