Video
Read full review
2024-05-31
168 views
朋友約咗我來食嘢，油麻地A1出口直行轉左就到啦。不過大廈門口都幾難搵，係後巷，大廈都比較舊，不過上到去Cafe門口，就眼前一亮，門口畫晒壁畫，壁畫係海洋主題，好多熱帶魚，好靚。店內都有好多唔同嘅壁畫，好靚，雖則cafe細細間，到處都睇到老闆嘅心思。聽佢同其他客人講已經開咗18年，又真係睇唔出，因為店舖環境算keep 得幾好。講下啲嘢食先，飲品我哋叫咗咸檸七／特濃朱古力，我成個茶餐廳格，來cafe都要飲咸檸七，不過老闆就話個咸檸檬係自制嘅，唔係茶餐廳貨仔，咁我都安慰啲，又係幾好飲，咸味慢慢沁出來，令到七喜唔太甜，好夾，我朋友嗰杯特濃朱古力，名符其實好濃朱古力味，老闆都有介紹選用黑朱古力粉來調配，所以朱古力味特別濃郁。兩杯都幾好。芝士薯條，好大盤，我哋兩個人肉眼見係食唔晒嘅，不過人多又唔同，餐牌上面有寫會按人數調整份量，所以人多啲都够食。味道我覺得真係幾好，個芝士醬好濃，好香，每條薯條都點到個醬，薯條係切粗條，唔會好似食一般快餐店嘅幼薯，薯條係即叫即炸，所以就算係粗薯都係脆嘅，因為朋友遲放工，個薯條放咗一陣都仲有少少脆。拿破倫肉煙鴨胸 配 意粉拿破倫意粉酸酸甜甜，水準之作，意粉都幾彈牙，唔
店內都有好多唔同嘅壁畫，好靚，雖則cafe細細間，到處都睇到老闆嘅心思。聽佢同其他客人講已經開咗18年，又真係睇唔出，因為店舖環境算keep 得幾好。
講下啲嘢食先，飲品我哋叫咗咸檸七／特濃朱古力，我成個茶餐廳格，來cafe都要飲咸檸七，不過老闆就話個咸檸檬係自制嘅，唔係茶餐廳貨仔，咁我都安慰啲，又係幾好飲，咸味慢慢沁出來，令到七喜唔太甜，好夾，我朋友嗰杯特濃朱古力，名符其實好濃朱古力味，老闆都有介紹選用黑朱古力粉來調配，所以朱古力味特別濃郁。兩杯都幾好。
咸檸檬七喜／特濃朱古力特飲
2 views
0 likes
0 comments
芝士薯條，好大盤，我哋兩個人肉眼見係食唔晒嘅，不過人多又唔同，餐牌上面有寫會按人數調整份量，所以人多啲都够食。味道我覺得真係幾好，個芝士醬好濃，好香，每條薯條都點到個醬，薯條係切粗條，唔會好似食一般快餐店嘅幼薯，薯條係即叫即炸，所以就算係粗薯都係脆嘅，因為朋友遲放工，個薯條放咗一陣都仲有少少脆。
芝士薯條
1 views
0 likes
0 comments
拿破倫肉煙鴨胸 配 意粉
拿破倫意粉酸酸甜甜，水準之作，意粉都幾彈牙，唔好睇佢份量好似唔多，其實好足料，鴨胸我覺得好多，食極都仲有，佢個鴨胸應該自己煮過，唔似得外面買嗰啲比較韌，佢整得相對比較腍啲，無鴨騷味，其實我幾怕嗰隻味，腍得來咬口仍然係度。
拿破倫肉醬煙鴨胸 配 意粉
10 views
0 likes
0 comments
韓式牛肋條 配 白飯
呢個飯好犯規，點解可以咁可愛㗎，鴨仔造型，食唔食佢好呢？咁我哋緊係食啦，個牛肋條配飯係一流，睇佢個醬汁好濃，以為會係好咸好濃味，同埋牛肋條我始終驚太油膩。不過食落口又無呢啲感覺，因為佢個醬比較甜口，牛肋條燜得都幾腍，特別係筋位，好有膠質，感覺滿滿骨膠原湧埋嚟，同埋佢有加咗啲菇菌類落去，我估係切幼條嘅雞肶菇，唔肯定，不過好有咬口，真係幾鍾意。
韓式牛肋條 配 白飯 （鴨仔造型極可愛）
1 views
0 likes
0 comments
店內有好多遊戲俾客人玩，我哋兩個就無玩啦，呢啲遊戲係人多玩起上來先好玩。見隔離枱有5個人，就玩得幾開心。
老闆推介呢個set，大家可以試下。
總結，呢間Cafe仔如果三五知己要搵地方消磨時間，食物質素又唔錯，不失為一個好選擇。係，仲有一點，老闆都好nice，不停同唔同客人傾計，推介大家美食，因為有時唔知食咩好。到我哋9點幾走嘅時候，仲有新客入來，唔知呢間鋪收幾點，應該都夜，夜貓可能都幾啱。
Post
