Video
Read full review
2018-04-25
49 views
出旺角有時唔知食咩好，都會留意下街邊嘅宣傳/易拉架。話說天機棧呢個名聽過好多次，天機棧係樓上舖，樓下會有啲易拉架有menu睇下，Set Dinner價錢都唔算太貴，所以就入去試下😃呢度嘅座位好寬闊，好有復古感覺，環境比較昏暗影相就真係有啲難度，但係播住好柔和嘅浪漫情歌，鋸下扒談下心亦不失為一個好地方。揀食物有Set可以叫，有齊頭盤餐湯主菜甜品仲包一杯野飲，加左一大概二百蚊左右，真係唔算貴👍🏻海鮮拼盤: 呢個有驚喜！我本身都冇預期係有啲咩海鮮，但係一上碟好大隻蠔啊！而且蝦同蟹柳冇乜雪味，整體上真係高質！沙律: 中規中矩，都比我預期中大碟。餐湯: 呢到竟然有得揀酥皮龍蝦湯，市面上呢個真係買少見少。呢個湯應該唔算落得太多麵粉，所以飲落感覺唔會好漿，味道幾濃郁。主菜: 炭燒美國西冷扒(8oz) - 擺碟係擺得唔錯嘅，叫左五成熟，成數控制得好好，入面粉嫩色冇血水。整體上肉質未算非常好，但係食落脂肪位肉一啲都唔靭、好易咬。炭燒西班牙黑毛豬肉眼扒配蘋果茸 - 呢塊排嘅份量都唔少，食落唔會乾爭爭亦唔會靭。而且配菜都有唔少，平衡返成大塊肉，蘋果茸小小甜甜地呢個配撘唔錯。甜品: 質素都幾高！雖然細細舊，朱
呢度嘅座位好寬闊，好有復古感覺，環境比較昏暗影相就真係有啲難度，但係播住好柔和嘅浪漫情歌，鋸下扒談下心亦不失為一個好地方。
揀食物有Set可以叫，有齊頭盤餐湯主菜甜品仲包一杯野飲，加左一大概二百蚊左右，真係唔算貴👍🏻
海鮮拼盤: 呢個有驚喜！我本身都冇預期係有啲咩海鮮，但係一上碟好大隻蠔啊！而且蝦同蟹柳冇乜雪味，整體上真係高質！
沙律: 中規中矩，都比我預期中大碟。
餐湯: 呢到竟然有得揀酥皮龍蝦湯，市面上呢個真係買少見少。呢個湯應該唔算落得太多麵粉，所以飲落感覺唔會好漿，味道幾濃郁。
主菜:
炭燒美國西冷扒(8oz) - 擺碟係擺得唔錯嘅，叫左五成熟，成數控制得好好，入面粉嫩色冇血水。整體上肉質未算非常好，但係食落脂肪位肉一啲都唔靭、好易咬。
炭燒西班牙黑毛豬肉眼扒配蘋果茸 - 呢塊排嘅份量都唔少，食落唔會乾爭爭亦唔會靭。而且配菜都有唔少，平衡返成大塊肉，蘋果茸小小甜甜地呢個配撘唔錯。
甜品: 質素都幾高！雖然細細舊，朱古力心太軟入面真係流心，又唔會過甜，淺嚐已經好滿足。而法式焦糖燉蛋上脆內軟，蛋味甜味均衡，好味！
整體上所有食物質素唔算驚為天人，但係以呢個價錢黎講絕對收貨。食物嘅份量真係唔少，食晒成個set會好飽。
Post
