CHEF STAGE de Eddy Chu (Closed)

今日同朋友慶祝生日，知道呢間餐廳做緊promotion生日壽星可享免費晚餐，就去左試下啦~餐廳望到尖沙咀夜景，環境同氣氛都好正~沙律蟹肉三文魚煙三文魚包住蟹肉，一咬有好大啖蟹肉，好鮮甜，仲有芥辣沙律醬，辣辣地好開胃餐湯黑松露蘑菇湯蘑菇打碎左，加埋黑松露，香濃~蕃茄蟹肉湯呢個湯好有驚喜，蕃茄湯酸酸辣辣~加埋蟹肉碎，好醒胃既湯~前菜蟹肉冬陰公日本年糕冬陰公汁creamy又香濃~加埋日本年糕煙煙韌韌主菜精選雜扒雜扒有牛肉眼、西班牙黑毛豬、雞扒、大蝦，好豐富～牛肉眼有牛味又有肉汁~黑毛豬肉結實帶陣陣油香~雞扒好嫩滑，大蝦好爽口！樣樣食材都好正~法式明爐海龍皇有鮮魚柳、鮑魚、鮮帶子、鮮蝦，湯底係蕃茄為主調~海鮮浸住熱湯，岩晒冬天食，熱辣辣~好味到連湯我地都飲晒~是日甜品Tiramisu最後仲有甜品~呢一餐十分滿足！