Sky726

放工後，黎到旺角一間觀景唔錯嘅餐廳吃飯，環境好高級優雅，可以望到旺角嘅街景， 餐廳座落25樓 ，睇夜景一流， 裝修都好有情調 ，餐廳內天花板裝有好多燈飾，好浪漫。每枱必叫嘅生蠔，好抵食。環境浪漫優雅，好多情侶黎撐枱腳。 每張枱都有一個蠟燭， 非常有情調。我叫了一個dinner set ，佢包飲品，前菜，小食，沙律，湯，主菜同甜品。蘆筍湯，好濃郁嘅湯，好有真材實料。希臘沙律， 芝士粒配上乾蕃茄，好清新，好有田園嘅感覺。三文魚小食, 好有分子料理嘅感覺。幾得意。慢煮雞胸配三文魚籽粒， 雞胸好嫩口，好滑， 配上三文魚子， 再加獨有嘅醬汁 ，好有口感同層次。甜品係咖啡水果凍， 濃郁嘅咖啡味，配上新鮮嘅水果，唔錯嘅飯後甜品。