Video
Read full review
2020-07-10
52 views
平成 係一間小小的日式餐廳， 拉開木趟門入去， 會發現入面好清幽， 暗暗的氛圍， 好適合同朋友 靜靜地響嗰度傾計食嘢。 牆壁貼滿咗不同日本牌子的清酒同燒酒嘅包裝紙， 更添一種 地地道道嘅風味。首先要講下個鹽蔥牛舌粒， 啲牛舌都幾大粒，咬落去好有口感， 煙煙靭靭， 好襟食。 上面亦都好慷慨咁加咗好多蔥花， 佢亦都唔會好熱， 係一碟好好既涼拌嘅開胃小食。 特別有驚喜嘅係之後上嘅炒三文魚碎稻庭烏冬， 烏東真係好嫩滑同埋有咬口， 真心好食， 同埋個湯底有好濃厚嘅海鮮味魚味， 三文魚碎都好香口惹味， 同樣廚師好慷慨咁加咗好多蔥花， 幾乎堆到好似一座山咁高， 當然佢仲有溫泉蛋附上， 令到成個烏冬嘅味道更加有層次。另一個好有趣嘅菜就係 泡菜牛肉燒餅， 呢個配搭好新穎， 食落去亦都好討喜， 泡菜嘅重口味同埋辛辣的刺激 好適合製成燒餅。 但有樣嘢要注意， 如果有其他口味比較清淡嘅菜式， 就要忍下口， 唔好食呢個燒餅住， 因為佢個味係絕對會掩蓋咗其他嘅菜式。我哋有另一個比較清淡菜式， 就係芝士蔥蛋餅， 上面加一個燒鵝肝， 鵝肝既味道好香， 配埋蔥蛋餅，係一定好味既配搭，呢碟餸係需要花時間慢慢咀嚼同埋細心品
平成 係一間小小的日式餐廳， 拉開木趟門入去， 會發現入面好清幽， 暗暗的氛圍， 好適合同朋友 靜靜地響嗰度傾計食嘢。
牆壁貼滿咗不同日本牌子的清酒同燒酒嘅包裝紙， 更添一種 地地道道嘅風味。
首先要講下個鹽蔥牛舌粒， 啲牛舌都幾大粒，咬落去好有口感， 煙煙靭靭， 好襟食。 上面亦都好慷慨咁加咗好多蔥花， 佢亦都唔會好熱， 係一碟好好既涼拌嘅開胃小食。
特別有驚喜嘅係之後上嘅炒三文魚碎稻庭烏冬， 烏東真係好嫩滑同埋有咬口， 真心好食， 同埋個湯底有好濃厚嘅海鮮味魚味， 三文魚碎都好香口惹味， 同樣廚師好慷慨咁加咗好多蔥花， 幾乎堆到好似一座山咁高， 當然佢仲有溫泉蛋附上， 令到成個烏冬嘅味道更加有層次。
另一個好有趣嘅菜就係 泡菜牛肉燒餅， 呢個配搭好新穎， 食落去亦都好討喜， 泡菜嘅重口味同埋辛辣的刺激 好適合製成燒餅。 但有樣嘢要注意， 如果有其他口味比較清淡嘅菜式， 就要忍下口， 唔好食呢個燒餅住， 因為佢個味係絕對會掩蓋咗其他嘅菜式。
我哋有另一個比較清淡菜式， 就係芝士蔥蛋餅， 上面加一個燒鵝肝， 鵝肝既味道好香， 配埋蔥蛋餅，係一定好味既配搭，呢碟餸係需要花時間慢慢咀嚼同埋細心品嚐， 佢唔係一味一擺落口即刻會讚嘆嘅美食， 需要時間響口入面慢慢發掘佢嘅甜味 同埋蛋味嘅新鮮，越食越喜歡。
最後飲品方面我哋嗌咗一杯黑啤， 同埋一杯巨峰提子乳酸梳打， 個人喜好方面喜歡後者多於前者， 特別係有一種淡淡嘅忌廉味， 唔係一種死甜。
Post
