Video
Read full review
2022-08-01
55 views
大家都知觀塘工廈有好多隱世小店，上次係Boon食過返尋味，今次黎到呢間佢新開咗冇幾耐嘅姊妹店Honbu，餐廳主打以不同亞洲style糅合而成嘅西式fusion菜。Café設室內及戶外座位，室內裝潢走簡約木系路線，戶外座位就比較度假風，設計幾有空間感，打卡一流。➤ 夜市粟米棒($58)喺粟米表面掃上秘製台式醬汁，拎去grill到焦香後再整齊地切成塊狀方便食用。烤過嘅粟米又甜又多汁，食得出有好香濃嘅花生醬同bbq醬味，鹹鹹甜甜滋味十足😋➤ 豬頸肉沙嗲黑麥包 ($108)黑麥包表面堆滿豬頸肉條同火箭菜，Visually非常大碟，好似多到要跌出黎咁! 豬頸肉以沙爹醬炒香過，食落焦脆可口，味道極為濃郁，配埋rocket salad一齊食絕對可以中和膩感，可惜我麻麻火箭菜果隻苦澀草青味☹️ 黑麥包係一款較健康既麵包黎，包身微微烘過，食落帶麥香味，質地幾鬆軟。➤ 蟹黃蟹肉意大利麵 ($138)以蟹膏同埋鹹蛋黃煮成嘅醬汁掛滿喺每條意粉上，表面再灑上蟹肉增加鮮味。整體香氣四溢，每啖都食到蟹味精華，鹹鹹香香非常惹味。➤ 法式多士 ($48)此french toast不同彼french toast，呢款正宗法
➤ 夜市粟米棒($58)
喺粟米表面掃上秘製台式醬汁，拎去grill到焦香後再整齊地切成塊狀方便食用。烤過嘅粟米又甜又多汁，食得出有好香濃嘅花生醬同bbq醬味，鹹鹹甜甜滋味十足😋
➤ 豬頸肉沙嗲黑麥包 ($108)
黑麥包表面堆滿豬頸肉條同火箭菜，Visually非常大碟，好似多到要跌出黎咁! 豬頸肉以沙爹醬炒香過，食落焦脆可口，味道極為濃郁，配埋rocket salad一齊食絕對可以中和膩感，可惜我麻麻火箭菜果隻苦澀草青味☹️ 黑麥包係一款較健康既麵包黎，包身微微烘過，食落帶麥香味，質地幾鬆軟。
➤ 蟹黃蟹肉意大利麵 ($138)
以蟹膏同埋鹹蛋黃煮成嘅醬汁掛滿喺每條意粉上，表面再灑上蟹肉增加鮮味。整體香氣四溢，每啖都食到蟹味精華，鹹鹹香香非常惹味。
➤ 法式多士 ($48)
此french toast不同彼french toast，呢款正宗法式多士同港式西多士嘅做法好唔同架。先將厚切多士浸泡加入左牛奶同雲呢嗱香油嘅蛋液, 再以慢火將麵包兩面煎至金黃微焦。表邪淋上楓糖漿，再灑上金寶脆脆及野莓脆粒，食落質感焦香軟綿，好重牛油香同奶香。
➤ 士多啤梨乳酪沙冰 ($58)
夏日熱辣辣，飲沙冰消暑解渴😋 士多啤梨果香十足，飲落出係真材實料，仲帶點微微乳酪味，酸酸甜甜好清爽。
➤ 朱古力奶泡 ($48)
採用法國可可粉沖製，朱古力味極濃郁，奶泡以3.5%牛乳打成，非常綿滑。表面仲放左粒烤過嘅棉花糖，睇得又食得。
Post
