Palco Ristorante (Moved) New Location

係灣仔附近做完野，朋友就帶左我去呢間極力推薦既意大利餐廳。叫左兩個Lunch set，道道菜都好好味！一開始個餐包雖然無咩特別，但搭配個海鹽蜜糖牛油就非常之好味，真係第一次食d咁特別既牛油。之後一道前菜係魚子醬海膽牛油果蓉加塊薯片，以前一直都唔太鍾意食海膽，但呢道菜完全令我對海膽改觀。一啖咬落去，全部材料既味道都勁Match，連塊薯片都好match。如果大家都食呢個前菜，記得唔好分開一層層食！要一啖食到晒所有味道！蘆荀岩岩中和到火腿既咸度，唔會過咸。溫泉蛋配埋分邊d配料食落去感覺又係勁match! 我發現所有出現係碟上面既配料唔單止係裝飾咁簡單，而係每種廚師都真係有諗過點搭配，而食落去真係好好味。蝴蝶粉煙韌彈牙，配搭濃郁嘅龍蝦湯，又係一個字正～主菜A5和牛，好x好味～三個字：香嫩甜～最後甜品，最鍾意個雪芭，濃味得黎唔會太甜食緊野途中，朋友話呢間餐廳係金牌經紀人Palco同少年廚神Ken一齊開，好多明星黎光顧，係明星飯堂，怪唔之得咁高質。總結黎講，全餐都非常之高質，服務亦十分週到，性價比極高，極力推薦大家去一試，保證一試愛上！