Video
Read full review
2021-05-16
962 views
身為一個紅蝦意粉愛好者，梗係不斷會去試食唔同地方嘅紅蝦意粉。今次去到呢間位於銅鑼灣樓上嘅小店，算係比較貴價西餐廳，主打手工意粉🍝其實之前都嚟過一次，不過今次主要都係想試個紅蝦意粉。兩個人食lunch，叫咗兩個pasta 加一個甜品，七百幾蚊埋單。真心幾貴。紅蝦意粉: 擺盤唔錯，食得出係手工意粉，質感有啲似硬身嘅新鮮拉麵，每條面都俾蝦湯包住。但係整體來講唔算好和味，因為蝦汁唔夠濃，蕃茄味都唔出，而且紅蝦嘅食材唔夠大隻新鮮多汁。另外份量都好少，成年女性食嘅話應該係僅僅夠。我再望一望埋隔離枱，見到人哋有預訂都龍蝦意粉，基本上同我呢個紅蝦意粉係一模一樣的。就差上面隻蝦唔同，而且呢個紅蝦意粉仲貴過龍蝦意粉。講性價比真係輸晒。帶子扁意粉: 呢個帶子意粉簡直有少少失望。第一，個麵質基本上同上面嗰個面係一樣嘅，只不過佢係扁身咁解，感覺就係同一個麵粉搓出嚟。第二就係帶子食材冇乜特別新鮮，個汁都係好普通通有啲鹹味咁樣。呢個價錢相對就平啲，但講抵食又唔係。唔係難食但唔特別建議試。份量又唔係多。Tiramisu: 都係果句，我發覺西餐廳嘅甜品永遠都係最好食嘅😂呢個Tiramisu係餐廳自己整嘅。因為Menu上
兩個人食lunch，叫咗兩個pasta 加一個甜品，七百幾蚊埋單。真心幾貴。
紅蝦意粉: 擺盤唔錯，食得出係手工意粉，質感有啲似硬身嘅新鮮拉麵，每條面都俾蝦湯包住。但係整體來講唔算好和味，因為蝦汁唔夠濃，蕃茄味都唔出，而且紅蝦嘅食材唔夠大隻新鮮多汁。另外份量都好少，成年女性食嘅話應該係僅僅夠。
我再望一望埋隔離枱，見到人哋有預訂都龍蝦意粉，基本上同我呢個紅蝦意粉係一模一樣的。就差上面隻蝦唔同，而且呢個紅蝦意粉仲貴過龍蝦意粉。講性價比真係輸晒。
紅蝦意粉
74 views
0 likes
0 comments
帶子扁意粉: 呢個帶子意粉簡直有少少失望。第一，個麵質基本上同上面嗰個面係一樣嘅，只不過佢係扁身咁解，感覺就係同一個麵粉搓出嚟。第二就係帶子食材冇乜特別新鮮，個汁都係好普通通有啲鹹味咁樣。呢個價錢相對就平啲，但講抵食又唔係。唔係難食但唔特別建議試。份量又唔係多。
帶子扁意粉
24 views
0 likes
0 comments
Tiramisu: 都係果句，我發覺西餐廳嘅甜品永遠都係最好食嘅😂呢個Tiramisu係餐廳自己整嘅。因為Menu上面有其他甜品，你問佢會講明唔係自己餐廳做嘅。我專登試呢個自家製嘅甜品，朱古力雪糕非常濃郁香滑，tiramisu超級滑🤤不過有少少甜，但整體真係好食嘅，雖然出邊嘅甜品舖應該都可以做到呢個水準，但對比起意粉，我覺得呢個更值得試。
Tiramisu
24 views
0 likes
0 comments
總體來講雖然呢間餐廳主打手工意粉，而都真係食得出佢嘅意粉係有特色嘅，不過就可能每種意粉都差唔多質感。價錢黎講a le carte真係好鬼貴，建議大家都係食set會比較化算啲。至於會唔會返兜，我諗就未必會，因為好食嘅意粉出邊大有餐廳在，寧願試吓其他新野算😙
Post
