越灶

Open Now

Now Closed

想搵間好食又好坐嘅越菜餐廳，BEP Vietnamese Kitchen必定係其中一間。而有幾間分店嘅BEP，選址多數都係市區，非常就腳。住喺旺角區嘅我，每次行經奧海城，都會見到BEP嘅外賣生意非常好，想必食物質素一定唔差。好奇翻一翻餐牌，餐點嘅定價略為進取，但亦都無阻我想試BEP嘅衝動。開胃好食嘅撈檬，配搭燒三文魚，配料好足、份量都好夠。兩大舊燒三文魚，外面非常香脆，加埋香料好好食，充滿omega 3！雖然食到尾聲有點油，但清爽嘅撈檬可以中和返油膩感。桃加柑，又香又甜嘅組合，製成好味嘅熱飲。蓮花沖成嘅茶，不常見，香味亦獨特，令人心曠神怡。但出奇地，帶甘而不解膩，不似其他常飲嘅茶類。而一壺茶可沖出兩、三杯，可慢慢細嚐。