REFLECT Restaurant & Bar

嚟到旺角食返啲小眾西式菜式，上網見呢度tacos menu幾岀名，但睇完menu其實其他菜都好吸引，好可惜青口已經賣晒，下一次一定要再嚟食。今次嚟到餐廳係星期二晚上，好幸運地露天位置仲有一張枱淨，可以同友人二人撐枱腳。望住城市景觀，加上室外楊台燈飾嘅佈置，浪漫氣氛十足，冬天嚟真係非常舒適！蟹肉tartar加上魚子醬令到彩色高貴感十足，軟綿綿嘅蟹肉加上香草嘅味道，絕對係非常好嘅餐前菜！龍蝦湯並唔係Menu上面，都算係神秘菜式，睡眠部滿咗超香嘅櫻花蝦，令到龍蝦湯級數再次昇華，每飲一啖都有好香濃嘅海鮮味。串燒拼盤當中嘅雞肉同牛肉都非常軟身，味道唔錯，但牛肉上嘅黑椒比較多。牛肉意粉嘅牛非常軟身，好香濃嘅牛肉味道，賣相麻麻，但味道10分。整體呢一度嘅氣氛非常好，戶外亦唔多客人會大好吵鬧，勝在每枱談心都細細聲，令我可以感受城市中寧靜。