Video
Read full review
2013-08-13
124 views
每次去又一城都見到王家沙出面排滿晒人,所以成日想試但又懶得等位,終於的起心肝打電話去訂枱。真係好彩有訂位,閒日去出面都得成10幾人,我諗我7個人真係有排等!餐牌上實在太多選擇了!樣樣都想試!冷盤小食:醉嘉美雞-好強烈酒香,而且啖啖肉都醃到味!蒜泥白肉卷-其實我一心係以為蒜泥白肉,o黎到先知我搞錯,佢係一個卷!裡面係蘿蔔絲食落幾爽趣,面層係蒜泥,挾起先見到碟面有一層辣油,都幾辣!皮蛋豆腐-食滬菜必點的吧!超喜歡啊,豆腐好滑!肉鬆又夠鬆化(唔係廢話,因為好多時拌既肉鬆都係"淋"的)三絲粉皮-又係必點既前菜!平時都係食開雞絲粉皮,三絲又真係唔同啲!加青瓜絲無咁漏!又無齋雞絲咁"寡"。而呢個花生醬份量剛剛好!粉板又夠薄!我個人認為係必點呀!雖然話係小份冷盤,但其實份量都唔細,我地7個都可以每人食到架!係三絲粉皮太正要encore!小籠包-唔需要多介紹啦,皮薄多汁是常識吧!一個字正!不過記得從上頂頂挾起咬一口再加薑絲落去食更加好味!甜栥飯-朋友話去王家沙必點栥飯!果然好介紹,出面舊飯夠淋身,裡面又夠趣,整個口感非常煙韌!而且呢個係甜既,比較少食都算係幾特別!擔擔麵-真係唔係間間整得好食,好多時
真係好彩有訂位,閒日去出面都得成10幾人,我諗我7個人真係有排等!
餐牌上實在太多選擇了!樣樣都想試!
冷盤小食:
醉嘉美雞-好強烈酒香,而且啖啖肉都醃到味!
蒜泥白肉卷-其實我一心係以為蒜泥白肉,o黎到先知我搞錯,佢係一個卷!裡面係蘿蔔絲食落幾爽趣,面層係蒜泥,挾起先見到碟面有一層辣油,都幾辣!
皮蛋豆腐-食滬菜必點的吧!超喜歡啊,豆腐好滑!肉鬆又夠鬆化(唔係廢話,因為好多時拌既肉鬆都係"淋"的)
三絲粉皮-又係必點既前菜!平時都係食開雞絲粉皮,三絲又真係唔同啲!加青瓜絲無咁漏!又無齋雞絲咁"寡"。而呢個花生醬份量剛剛好!粉板又夠薄!我個人認為係必點呀!
雖然話係小份冷盤,但其實份量都唔細,我地7個都可以每人食到架!係三絲粉皮太正要encore!小籠包-唔需要多介紹啦,皮薄多汁是常識吧!一個字正!不過記得從上頂頂挾起咬一口再加薑絲落去食更加好味!
甜栥飯-朋友話去王家沙必點栥飯!果然好介紹,出面舊飯夠淋身,裡面又夠趣,整個口感非常煙韌!而且呢個係甜既,比較少食都算係幾特別!
擔擔麵-真係唔係間間整得好食,好多時湯底都做唔到真正擔擔麵湯底,但佢又做得唔錯,以唔係主導擔擔麵o黎講,起碼做到重花生味既湯底,麵條軟硬適中!
上海話梅骨-呢個又係個個爭住食,好入味!酸酸甜甜既排骨,d肉好"念"身,我地叫左個上海炒飯o黎送呢個一流!
最後高力豆沙同豆沙窩餅做甜品一定唔少得!另外仲叫左個奶黃小麻球!高力豆沙,外層夠鬆軟,豆沙唔會太甜。不過認為豆沙太少,如果內裡多返豆沙會更好!
豆沙窩餅,呢個就比較一般喇,都係豆沙唔會太甜!但餅包厚身左d..所以硬左d!
奶黃小麻球-幾香口...蛋黃夠靚!唔錯!
王家沙果然抵佢咁多人排隊!一定會再返o黎呢間食!
Post
