Video
Read full review
2021-07-25
54 views
香港有唔小主題餐廳，之前去過觀塘既運動主題餐廳，入面仲要有足球機可以玩，今次又比我發掘到新既主題餐廳。Lockeroom Dining係一間足球主題既餐廳，係以英超足球隊阿仙奴為主題，店內裝潢佈局都以阿仙奴足球隊為主題，啱晒一眾球迷。入到黎之後就知老細隨左係阿仙奴球迷之外，係裝修設計上都特別用心，一出電梯就會見到餐廳地板鋪上仿草地，用上綠色球場圖案，裝潢以紅白色為主，係阿仙奴既經典色調，餐廳右手邊有唔小阿仙奴精品同相片，落地玻璃窗上面仲掛住唔少阿仙奴球員球衣，有阿仙奴著名球員奧斯爾、阿迪達、韋拉、皮里斯既波衫，有幾件波衫仲有球員親筆簽名，想像唔到如果球迷見到會有幾興奮。平日夜晚黎到唔算好多人，我諗有5-7成入座率，不過某啲枱同枱唔算話好遠晚市時段除左有set dinner，仲有可以單點牛扒、豬扒、雜扒、意粉、三文魚等，set dinner有18款選擇咁多，價錢由百幾到二百幾，包餐湯、餐包、沙律、主菜同飲品，我就叫左兩份set dinner同兩份甜品，因為set dinner可以6折享用甜品。呢度連餐碟都係足球場造型，超級可愛，店主好有心思。-🥗 是日精選沙律 💰0（👅: 7.5/10）
Lockeroom Dining係一間足球主題既餐廳，係以英超足球隊阿仙奴為主題，店內裝潢佈局都以阿仙奴足球隊為主題，啱晒一眾球迷。
入到黎之後就知老細隨左係阿仙奴球迷之外，係裝修設計上都特別用心，一出電梯就會見到餐廳地板鋪上仿草地，用上綠色球場圖案，裝潢以紅白色為主，係阿仙奴既經典色調，餐廳右手邊有唔小阿仙奴精品同相片，落地玻璃窗上面仲掛住唔少阿仙奴球員球衣，有阿仙奴著名球員奧斯爾、阿迪達、韋拉、皮里斯既波衫，有幾件波衫仲有球員親筆簽名，想像唔到如果球迷見到會有幾興奮。
平日夜晚黎到唔算好多人，我諗有5-7成入座率，不過某啲枱同枱唔算話好遠
晚市時段除左有set dinner，仲有可以單點牛扒、豬扒、雜扒、意粉、三文魚等，set dinner有18款選擇咁多，價錢由百幾到二百幾，包餐湯、餐包、沙律、主菜同飲品，我就叫左兩份set dinner同兩份甜品，因為set dinner可以6折享用甜品。
呢度連餐碟都係足球場造型，超級可愛，店主好有心思。
-
🥗 是日精選沙律 💰0（👅: 7.5/10）
是日精選沙律
5 views
1 likes
0 comments
呢度既晚餐都會跟是日沙律、餐湯同麵包，所以食晚餐既通常都可以食得飽。
呢度既沙律上枱時係用密封既玻璃樽裝住，可能係預先整好再雪，不過就夠衛生，黑醋醬會獨立上比客人按自己喜好加，沙律菜食落夠冰凍，咬落更加爽脆，夏天食不得了，黑醋醬比較杰身，加咗之後令到沙律夠酸，食落開胃。
除咗菜仲有三色椒、車厘茄同比較小見既蜜桃爆珠，食落清新，蜜桃爆珠係出奇地夾，因為多咗酸酸甜甜嘅味道，更加開胃。
-
是日餐湯 💰0（👅: 8/10）
是日餐湯
4 views
1 likes
0 comments
餐湯係南瓜湯，飲落夠甜，唔係死甜而係南瓜本身既甜，湯入邊有好多南瓜蓉，味道幾濃，不過呢個南瓜湯無落忌廉，飲落同平時既會小左啲順滑。
-
🥖 蒜香牛油法包 💰0（👅: 8/10）
蒜香牛油法包
6 views
1 likes
0 comments
餐包係牛油法包，算厚身，上面有蒜頭碎粒，雖然佢係叫法包，但咬落外層完全唔係硬，而係脆，入面係軟熟，絕對係外脆內軟，係我鍾意既麵包質感，蒜香味重，所以幾惹味，食落味道偏甜，略嫌牛油味可以再重啲。
-
1️⃣ 波士頓活龍蝦(半只)配白松露忌廉 扁麵 💰168（👅: 8/10）
波士頓活龍蝦(半只)配白松露忌廉 扁麵
$168
4 views
1 likes
0 comments
醬汁方面除咗又白松露忌廉仲可以揀蕃茄汁，而除左扁麵可以揀意大利飯。
上枱嗰時白松露嘅香味非常濃郁，白松露忌廉入口非常creamy，味道好濃，意大利扁麵咬落彈牙有嚼勁，口感會偏向少少硬，每一條都可以沾滿味道夠重既白松露忌廉，而且有唔小洋蔥，加上雞髀菇、雜菌，真係欲罷不能，如果鍾意白松露嘅人一定抗拒唔到，係我近排食過最重松露味嘅菜式。
而波士頓龍蝦係半隻開邊，食落肉質算鮮甜，咬落彈牙，蝦膏有唔小，略嫌焗到熟咗少少，龍蝦加咗芝士同蟹籽去焗，芝士份量澎湃，味道幾夾，可以突出龍蝦嘅鮮味，另外仲有一隻龍蝦鉗，以呢個價錢來講算係咁。
-
2️⃣ 香燒美國Creekstone牛肉眼拼法國鵝肝 💰238（👅: 7.5/10）
香燒美國Creekstone牛肉眼拼法國鵝肝
$238
6 views
1 likes
0 comments
上枱時會聞到牛扒既牛脂味，令人食指大動，
牛肉眼係Creekstone，係一種100%天然嘅純黑angus beef，採用純天然飼養嘅方法，無添加生長激素同荷爾蒙，係優質嘅牌子，牛扒都幾大份，落單時要求medium，切開時都無見到有血水，係生熟程度控制得唔錯。
牛扒食到牛味，咬落算juicy，肉質鮮嫩，脂肪同筋既比例算適中，唔算太多筋，係邊邊位先有多啲脂肪。牛扒上既燒汁唔會話太鹹，不過就唔大驚喜。
而家喺牛扒上面嘅鵝肝就特別啲，好少何見到呢一個嘅配搭，咬落入口即化，油脂感即刻湧出，香氣停留喺口腔揮之不去，非常邪惡，配合牛扒食可以中和少少油脂，略嫌如果表層可以煎到再脆身啲會更好。
伴碟仲有蕃茄、紫薯蓉、羽衣甘藍，食落清新香甜。
-
3️⃣ 朱古力三重奏心太軟 💰46.8（👅: 9/10）
朱古力三重奏心太軟
$78
6 views
1 likes
0 comments
呢度嘅甜品如果有叫晚餐可以有六折，幾抵所以即刻叫左兩個甜品，甜品可以加$12就會有單球雪糕，口味會有朱古力、雲呢拿、曲奇。
心太軟一切出嚟，入面個內餡流晒出嚟，流心程度啱啱好，食落仲要係熱辣辣，朱古力味好濃郁，但唔會覺得太甜太苦，心太軟外層唔合太硬，係近期食過最好食既心太軟。
而且心太軟上面仲加咗一塊朱古力，朱古力會慢慢比心太軟嘅熱力溶化，連同隔離嘅白朱古力醬，真係學佢個名話齋，朱古力三重奏，唔同既朱古力味係個口腔混合同衝擊，層次豐富，齒頰留香。
佢隔離有個cream可以加落去，不過覺得個cream味道唔太出，第一次食嗰時諗咗好耐係乜嘢，同出邊嘅cream好唔同，同埋質地係幾稀，感覺好似水咁樣，要落好多個味先有，伴碟仲有士多啤梨、藍苺、吉士，整體味道幾夾。
-
4️⃣ 即製梳乎厘班戟 💰52.8（👅: 7.5/10）
即製梳乎厘班戟
$88
10 views
1 likes
0 comments
呢度嘅梳乎厘班戟即叫即做，店員會問你係咪後上甜品，如果叫咗兩個甜品佢會分開上。
梳乎厘班戟咬落去有空氣感，入口fluffy，不過質地係篇濕潤，如果你唔鍾意食濕潤嘅班戟可能會失望。食落蛋味算重，唔算甜，反而我覺得鹹味比較出，會食到檸檬清香，我覺得係加咗檸檬汁。
佢隔離有個cream可以加落去，味道同質地於都係同朱古力心太軟個一樣，不過因為班戟味道唔算重，如果你比較重味，要落好多依個cream先得。
-
🍹 檸檬茶 💰+3（👅: 7/10）
檸檬茶
$3
6 views
1 likes
0 comments
係正常既檸檬茶，唔算太甜茶味正常，另外一題如果熱飲個杯同個碟會幾靚，如果想打卡可以試吓叫熱飲。
-
🌟整體黎講，食物質數算唔錯，心太軟非常出色，價錢合理，晚餐野食份量夠多，勝在環境設計用心，店員服務唔錯，會問甜品係咪後上，食甜品會幫你換新碟，如果你食兩款甜品會幫你再換碟，球迷一定唔可以錯過。
-
👅味道: 8/10
🍴環境: 8/10
💰消費: $512 (服務費: 10%)
Post
