阿佳拌麵

Open Now

Now Closed

上星期去探外婆同外公,兩個好鍾意食台灣食物,葵涌廣場三樓一家賣台灣麵店,好多朋友食過都話不錯,我買咗四款不同給婆婆我公公分享。貴妃雞卷沙茶醬拌麵雞肉鮮嫩無比,裹著雞捲外皮柔軟幼滑,配搭沙茶醬,麵條柔韌爽口。另一款鹽水雞沙茶醬拌麵,同樣出色,雞皮油光閃閃,肉質嫩滑,滿滿鹹香撲鼻,跟沙茶醬合體,簡直天衣無縫,麵條彈牙可口。一碗肉燥飯,鋪滿著滿滿的肉碎,味道調教出色,顆顆飯粒脹卜卜圓碌碌,肉汁送飯一流,配上一隻流心蛋,當真滋味無窮。最後一款蚵仔麵線,梗係冇得輸,呢個係台灣嘅皇牌阿仔,佢嘅湯底頂呱呱,香濃鮮甜,顆顆蚵仔肥大多汁,鮮味非凡,每一條麵線都滑捋捋,老人家嘅至愛。