K-TOWN Bar & Grill (Closed)

近來食的消費勁咗，今次去此處食平的，跟上次一樣白酒蕃茄青口配一杯酒$198，大盤又好味，今次青口嫩及鮮味好過上次，可能季節，蠔都係此段時間最肥美，要提伴食烤麵包，焦香軟熟，蘸汁更成仙。 要推介啤梨無花果沙律$155，份量十足又多姿采，配檸檬及蜜糖香醋，賣相自然吸晴，眼笑眉開，自然口胃大開，清新微甜酸，厚感咸香芝士，每一口都複雜味道，車厘茄卜甜，啤梨香甜，青瓜爽甜，洋葱辛甜，BB波菜田園味，還有最標青新鲜無花果，簡直錦上添花更開花，嘴與舌在彩色清新世界齊起舞。 從彩色清新世界跳去軟綿綿白色香甜夢裏~香焦太妃批banoffi cake$95，又係值得食，我以為普通大小蛋糕，一上枱，嘩，大件，應該三吋高，面層朱古力粉，厚層忌廉，我其實好怕食忌廉，又油又甜又膩，今次唔覺太甜，而是爽滑香，輕身，再加底部一件件香蕉的香軟片，可感三種層次味道，再添脆香曲奇餅底，完美，想甜的，舐些雲呢拿雪糕，又去到另一冰涼香滑層次，然後食粒籃梅，士多啤梨，帶你去果香境介，心會開，發甜夢。