快靚正燒味粉麵茶餐廳 (Closed)

今日屋企要食新年一年一度嘅開年飯 媽媽指定我收工要黎呢間西九龍中心對面嘅快靚正燒味店斬料加餸 佢話呢間嘅燒鵝特別好食 叫我買咗半隻燒鵝 一斤燒腩 同埋半斤叉燒 放工時段都幾多人排隊 好在師傅夠快手呀 哈哈 等咗五分鐘到就到我 八卦嘅時候 發現原來有堂食 隔離就係食茶餐廳嘢 係同一間鋪頭 燒鵝超大隻 就咁燒鵝髀都有七大嚿 而且個皮好香脆 油份十足 一咬落去啲鵝油就成口都係 夠曬甘香惹味 肉質嫩滑 而鵝肉本身有種特別嘅香味 齒頰留香 勁好食叉燒半肥瘦 夠曬入味 夠曬林 而且叉燒汁好香甜 特別係佢嘅肥肉係爽口 一啲都唔油膩燒腩 師傅話係原隻燒豬去做 唔係坊間嘅燒腩仔 淨係一嚿豬腩咁燒 好食好多 而且個豬 皮酥脆 肉更加係肥瘦相間 千層肉咁樣 勁入味 有咬口 唔怪得知媽媽指定我要黎呢間斬料 果然好好食