漁釧 (將軍澳中心) (Closed)

提早慶祝母親節，阿媽話要食日本嘢，為咗就腳決定食漁釧。點咗刺身七點、海老天婦羅、炸雞軟骨、八爪魚沙律、鮪魚腩蓉壽司、海膽炒飯。刺身堅新魚，個海膽鮮甜到一個點，入口後有餘甘，隻蝦新鮮爽甜，帶子本身醮上柚子汁!?（我估係）減少膩口感覺，好清新。單係個刺身媽媽已經食得好開心！海老天婦羅啱啱炸起上枱，夠脆之餘粉䊢亦唔太厚。鮪魚腩蓉壽司不嬲係我至愛，佢嘅鮪魚腩蓉係多到漏瀉咁滯，加上大量京䓤，不得了！海膽炒飯就老實講，我淨係見到同食到飯面最頂嗰塊海膽，係有啲失望。好彩個炒飯底都係好食嘅，好濃胡椒味但唔嗆喉唔辣，不過叫得海膽炒飯我希望可以入面有海膽囉...