Video
Read full review
2020-09-18
527 views
路過發現砵蘭街開咗間新嘅古早蛋糕店，接近晚飯時間都仲有好幾位食客等緊蛋糕出爐，而且口味選擇極多，非常吸引。舖頭標榜選用日本鮮雞蛋，鋪頭門外真係放住幾箱日本蛋，真材實料。除咗原味、芝士、朱古力同抹茶紅豆呢啲比較常見嘅味道之外，仲有唔少好有新鮮感嘅口味，例如椰香班蘭、養生芝麻同朱古力曲奇。蛋糕用自家製嘅紙盒裝住，logo係一位和藹可親嘅老人家，非常可愛。海鹽布朗尼係店員推介嘅新口味，隔住櫥窗見到飽滿度極高嘅蛋糕已經覺得非常吸引，加上先生同屋企嘅小朋友都好鍾意食朱古力，二話不說就揀咗佢。本身對朱古力味興趣不大，唔係咁鍾意朱古力嘅膩滯感，但偏偏對所有加入海鹽嘅甜品都有一種莫名嘅好感，一試之下果然冇令人失望。切開蛋糕首先有香濃軟滑嘅朱古力流心，而且選用嘅朱古力甜度唔高，海鹽嘅味道大大減低咗朱古力嘅膩滯感，亦令蛋糕嘅味道更豐富，更特別嘅係蛋糕嘅底部係加入大量果仁嘅brownie！一款蛋糕可以食出兩款唔同嘅效果同層次，非常驚喜！紫薯蛋糕質感非常軟熟，甜度適中，入口帶有好香濃嘅紫薯香氣，但又唔會掩蓋蛋香，非常出色。夾心仲加入新鮮紫薯蓉，味道清甜，口感軟滑，紫薯控絕對唔能夠錯過！古早蛋糕嘅蹤影一早已經遍
路過發現砵蘭街開咗間新嘅古早蛋糕店，接近晚飯時間都仲有好幾位食客等緊蛋糕出爐，而且口味選擇極多，非常吸引。
舖頭標榜選用日本鮮雞蛋，鋪頭門外真係放住幾箱日本蛋，真材實料。
除咗原味、芝士、朱古力同抹茶紅豆呢啲比較常見嘅味道之外，仲有唔少好有新鮮感嘅口味，例如椰香班蘭、養生芝麻同朱古力曲奇。
蛋糕用自家製嘅紙盒裝住，logo係一位和藹可親嘅老人家，非常可愛。
海鹽布朗尼朱古力古早蛋糕
$80
21 views
0 likes
0 comments
海鹽布朗尼係店員推介嘅新口味，隔住櫥窗見到飽滿度極高嘅蛋糕已經覺得非常吸引，加上先生同屋企嘅小朋友都好鍾意食朱古力，二話不說就揀咗佢。
海鹽布朗尼朱古力古早蛋糕
$80
26 views
0 likes
0 comments
本身對朱古力味興趣不大，唔係咁鍾意朱古力嘅膩滯感，但偏偏對所有加入海鹽嘅甜品都有一種莫名嘅好感，一試之下果然冇令人失望。切開蛋糕首先有香濃軟滑嘅朱古力流心，而且選用嘅朱古力甜度唔高，海鹽嘅味道大大減低咗朱古力嘅膩滯感，亦令蛋糕嘅味道更豐富，更特別嘅係蛋糕嘅底部係加入大量果仁嘅brownie！一款蛋糕可以食出兩款唔同嘅效果同層次，非常驚喜！
天然紫薯古早蛋糕
$75
15 views
0 likes
0 comments
紫薯蛋糕質感非常軟熟，甜度適中，入口帶有好香濃嘅紫薯香氣，但又唔會掩蓋蛋香，非常出色。
天然紫薯古早蛋糕
$75
23 views
0 likes
0 comments
古早蛋糕嘅蹤影一早已經遍佈全香港，熱潮不減之餘舖頭仲越開越多，競爭極大，老實講食過幾間類近嘅蛋糕店，味道差別唔大，要突圍而出絕對要喺經典中求變，阿嫲嘅蛋糕款款都有驚喜，令人非常期待之後會再出啲咩新口味！
Post
