Video
Read full review
2022-06-23
1969 views
作為一個foodie，係香港呢個國際大都市一定會食過唔同國家嘅菜式，岩呀！中、日、泰、韓、台、意、美、印……真係食咗唔少餐廳，咁唔知咁多位朋友仔有冇試過阿根廷菜呢？今日就介紹下👦🏻第一次嘗試嘅阿根廷菜，雖然西餐都不外乎扒類、薯仔、冷盤，但係每個國家總會有啲特色菜式例如今次就食咗一個好似新年角仔嘅Pie，除左牛肉餡仲有芝士火腿餡，作為一個前菜，真係幾吸引，味道調較得都好適中，脆卜卜嘅外皮同軟淋淋嘅內餡好大對比另外叫左個Cold Cut拼盤，一上檯就俾佢驚艷，排得好似一朵花嘅芝士、橄欖、車厘茄、火腿，作為頭盤好開胃；食得西餐點可以唔叫扒黎食，問左店員，佢介紹牛扒都係黎自阿根廷嘅LA PAMPAS省，用青草餵飼, 所以肉質好之外仲會健康啲叫左塊肉眼扒、Milanesa De Carne；肉眼扒肉質軟淋、帶啲甜肉味、配埋香滑嘅薯蓉一齊食真係好好食而Milanesa De Carne係一道阿根廷特色菜，用左吉列嘅方式煮，搽上獨特調味嘅蕃茄醬再加上火腿芝士，食落有好多唔同嘅口感，伴碟嘅粗薯條炸得好香脆🤤屹立係蘇豪區20年嘅呢間餐廳帶👦🏻去完一次阿根廷之旅，唔知大家又有冇興趣呢？約埋三五知己飲番杯，
作為一個foodie，係香港呢個國際大都市一定會食過唔同國家嘅菜式，岩呀！中、日、泰、韓、台、意、美、印……真係食咗唔少餐廳，咁唔知咁多位朋友仔有冇試過阿根廷菜呢？
今日就介紹下👦🏻第一次嘗試嘅阿根廷菜，雖然西餐都不外乎扒類、薯仔、冷盤，但係每個國家總會有啲特色菜式
例如今次就食咗一個好似新年角仔嘅Pie，除左牛肉餡仲有芝士火腿餡，作為一個前菜，真係幾吸引，味道調較得都好適中，脆卜卜嘅外皮同軟淋淋嘅內餡好大對比
另外叫左個Cold Cut拼盤，一上檯就俾佢驚艷，排得好似一朵花嘅芝士、橄欖、車厘茄、火腿，作為頭盤好開胃；食得西餐點可以唔叫扒黎食，問左店員，佢介紹牛扒都係黎自阿根廷嘅LA PAMPAS省，用青草餵飼, 所以肉質好之外仲會健康啲
叫左塊肉眼扒、Milanesa De Carne；肉眼扒肉質軟淋、帶啲甜肉味、配埋香滑嘅薯蓉一齊食真係好好食
而Milanesa De Carne係一道阿根廷特色菜，用左吉列嘅方式煮，搽上獨特調味嘅蕃茄醬再加上火腿芝士，食落有好多唔同嘅口感，伴碟嘅粗薯條炸得好香脆🤤
屹立係蘇豪區20年嘅呢間餐廳帶👦🏻去完一次阿根廷之旅，唔知大家又有冇興趣呢？約埋三五知己飲番杯，chill一晚😍
Post
