唐記包點 (黃埔天地奇妙坊)

Open Now

Now Closed

黃埔德民街 多嘢食係人都知， 行親嗰條街總會買到嘢食返屋企，唔使餓住個肚。 今次我就畀唐記新出嗰個阿華田包吸引咗啦。 - 阿華田包5 聽講係呢個月新出嘅，梗係要試新嘢啦。阿華田包包身鬆軟， 有淡淡的阿華田味 ，由阿華田製作而成的流心餡料，入口香軟幼滑， 而且又不過甜，食嗰陣要小心辣嘴哦。 阿華田奶茶9 - 承傳唐記的凍奶茶，茶味卻不苦澀, 香濃幼滑， 配埋阿華田粉，，多層次風味多重享受阿華田同奶茶。 - 除咗呢兩樣阿華田新品，我亦都買咗一啲點心同飯， 最正就係呢度蒸飯加點心，都只係賣38蚊，畀散叫抵好多。 - 章魚肉餅飯 ＋ 雞扎38 - 章魚肉餅大大件，章魚有咬口， 椰菜亦都畀得多。 -雞扎勁扎實，豬皮豬肚芋頭雞肉， 餡料多食完勁飽肚。 - 鳳爪排骨飯 ＋燒賣38 鳳爪排骨飯勁大盒， 排骨有好多件唔怕唔夠食， - -套餐點心揀左燒賣 燒賣肉質彈牙爽口，層次豐富。 -另外蒸包做緊18蚊三個， 買多幾個返去第二朝做早餐都得。 叉燒包做得鬆軟味濃而唔過肥， 香菇雞包有木耳有雞肉， 糯米卷大大件勁飽肚。