Gough 40 (Closed)

大家睇完阿蘇後，對Gough 40都有興趣。午餐的頭盤三揀一、主菜五揀一，奉送餐飲，甜品另需加錢。我要的頭盤是蘑菇酥盒配少許沙津菜，我覺得酥盒似是來貨，是冷藏再翻焗那種。而有同事食凱撒沙律，更為普通。我們8人中有6人的主菜是牛扒，包括我。落單前沒有詢問我們要幾多成熟，出來效果看似是過熟，幸好一切開是血紅色的，但肉質極之韌，每人都出盡力去切，亦出盡牙力來咬開。有人食了一半已放棄，也包括我。另有的食咖哩雞飯，味道好香，不過同事的評價是雞肉又又實；而羊鞍可能是全最好的一碟。朱古力餅及apple crumble各兩客。大家被主菜嚇怕的關係，對甜品不抱太高期望，又出乎意料的好，朱古力餅味道香濃，黑朱古力香而不甜，配以雪榚更為美味；apple crumble是剛剛焗起，又熱又金黃，牛油批皮極為鬆化，由於肉桂味不太重，對於我不嗜肉桂的人，可以接受。試過同一街的幾間西餐廳，大家的特色是裝修環境舒服、其味道也是不外如是，午餐似快餐店機械式出品，沒有一間突出。如果一定在歌賦街選擇，我寧願去勝香園。