Video
Read full review
2023-07-01
72 views
朋友帶路去搵食，今次去食石燒牛尋日仲係$62 200g，今日就變咗$78 200g，一心想黎食佢，$78就$78啦，最緊要好食，唔試由自可，一試就把幾火！一去到排隊俾錢買野食，我同朋友同仔仔都係叫牛板腱，叫完就坐低等啲嘢食到牛扒未到前就出去睇下任食區，一開始啲羅宋湯已經冇哂，啲飯就得好少差不多見底，啲餐具勁污糟，隻隻都有漬摸上手又油淋淋咁，隻杯裝完水仲有啲油浮喺面白飯有飯素可以自己加，但成支倒出黎9成都係芝麻，冇乜味嘅沙律可以問店員拎，但喺醬汁區啲汁冇哂都冇人再添加到主角牛板腱，一上枱時塊板好熱，啲牛比較薄，一黎就痴哂底，但好快啲牛已經好熟變咗牛板腱乾，我仔都已經咬唔到喇，好在跟餐仲叫做有啲粟米俾小朋友送下飯我啲牛食哂啲時啲羅宋湯同白飯都未出，勁多人催到啲白飯出時我已經冇牛肉可送飯，唯有用湯送飯食，啲湯好水又冇乜色，但就好夠咸，呀！罐頭湯加咗好多水再加返好多鹽咁上下啦佢啲飯一出成班人排隊裝，排喺隊尾嘅已經冇飯可以裝又要再等下一輪，淨係等啲飯都等到天荒地老好心搞唔掂任食就出套裝算啦，又要做任食又要冇野俾人食
尋日仲係$62 200g，今日就變咗$78 200g，一心想黎食佢，$78就$78啦，最緊要好食，唔試由自可，一試就把幾火！
一去到排隊俾錢買野食，我同朋友同仔仔都係叫牛板腱，叫完就坐低等啲嘢食到
牛扒未到前就出去睇下任食區，一開始啲羅宋湯已經冇哂，啲飯就得好少差不多見底，啲餐具勁污糟，隻隻都有漬摸上手又油淋淋咁，隻杯裝完水仲有啲油浮喺面
白飯有飯素可以自己加，但成支倒出黎9成都係芝麻，冇乜味嘅
沙律可以問店員拎，但喺醬汁區啲汁冇哂都冇人再添加
到主角牛板腱，一上枱時塊板好熱，啲牛比較薄，一黎就痴哂底，但好快啲牛已經好熟變咗牛板腱乾，我仔都已經咬唔到喇，好在跟餐仲叫做有啲粟米俾小朋友送下飯
我啲牛食哂啲時啲羅宋湯同白飯都未出，勁多人催
到啲白飯出時我已經冇牛肉可送飯，唯有用湯送飯食，啲湯好水又冇乜色，但就好夠咸，呀！罐頭湯加咗好多水再加返好多鹽咁上下啦
佢啲飯一出成班人排隊裝，排喺隊尾嘅已經冇飯可以裝又要再等下一輪，淨係等啲飯都等到天荒地老
好心搞唔掂任食就出套裝算啦，又要做任食又要冇野俾人食
Post
