Video
Read full review
2022-10-14
3146 views
一年一度大閘蟹季節, 丫女話要把握時機食多幾餐大閘蟹, 今晚佢就帶我到中環翠亨邨食咗呢個限定set --珍味大閘蟹宴套餐。供應期至到下個月13號咋!從長樓梯行上去, 就係翠亨邨, 地方唔算好大, 但環境舒適清靜, 坐得舒服。套餐以每位計算, 每位可以獨食兩隻大閘蟹, 大部份菜式均以蟹粉入饌,同時亦品嚐到翠亨邨招牌菜燒乳鴿, 滿足又飽肚~蟹肉文思豆腐羹:豆腐羹足料好杰, 豆腐切得超幼細, 令口感滑得近乎入口即化, 夾集一梳梳蟹肉, 每啖都很鮮甜。清蒸大閘蟹 (每隻約4両):大閘蟹蟹膏甘甜creamy, 蟹肉鮮甜, 可以食夠兩隻, 滋味又滿足。食完大閘蟹再送上薑茶暖暖胃。脆皮燒乳鴿 (每位一隻)乳鴿皮酥脆唔油, 肉質細嫩juicy, 份量竟然係每位一隻, 盡顯足料。蟹粉玉簪蝦球、蟹粉扒時蔬:蝦球好爽, 至於莧菜甘甘地, 同樣配上有如剛才第一道食嘅羹嘅調味(相比只係冇咗豆腐絲), 食出蟹嘅鮮味。蟹粉炒飯:炒飯都幾有穫氣, 炒得粒粒分明, 蟹粉味唔多突出, 反而加入了梳梳蟹肉, 細味都食到鮮甜。甜品有薑茶芝麻湯丸。凡惠顧套餐, 即可以優惠價每杯$68*升級品嚐精選古越龍山廿年陳花雕酒, 同時
從長樓梯行上去, 就係翠亨邨, 地方唔算好大, 但環境舒適清靜, 坐得舒服。
套餐以每位計算, 每位可以獨食兩隻大閘蟹, 大部份菜式均以蟹粉入饌,
同時亦品嚐到翠亨邨招牌菜燒乳鴿, 滿足又飽肚~
蟹肉文思豆腐羹:
豆腐羹足料好杰, 豆腐切得超幼細, 令口感滑得近乎入口即化, 夾集一梳梳蟹肉, 每啖都很鮮甜。
清蒸大閘蟹 (每隻約4両):
大閘蟹蟹膏甘甜creamy, 蟹肉鮮甜, 可以食夠兩隻, 滋味又滿足。食完大閘蟹再送上薑茶暖暖胃。
脆皮燒乳鴿 (每位一隻)
乳鴿皮酥脆唔油, 肉質細嫩juicy, 份量竟然係每位一隻, 盡顯足料。
蟹粉玉簪蝦球、蟹粉扒時蔬:
蝦球好爽, 至於莧菜甘甘地, 同樣配上有如剛才第一道食嘅羹嘅調味(相比只係冇咗豆腐絲), 食出蟹嘅鮮味。
蟹粉炒飯:
炒飯都幾有穫氣, 炒得粒粒分明, 蟹粉味唔多突出, 反而加入了梳梳蟹肉, 細味都食到鮮甜。
甜品有薑茶芝麻湯丸。
凡惠顧套餐, 即可以優惠價每杯$68*升級品嚐精選古越龍山廿年陳花雕酒, 同時品嚐大閘蟹, 昇華滋味。
.
星期一至四優惠價每位$588*
星期五、六、日及公眾假期每位$688*
*另設加一服務費及茶芥
Other Info. :
兩位起, 需提一天前預訂
經Mira eShop訂購即享免加一茶芥
(The above review is the personal opinion of a user which does not represent OpenRice's point of view.)
Post
