Video
Read full review
2021-02-09
841 views
好食嘅嘢真係食幾多次都唔會厭，今日lunch又嚟到炑八幫襯食燒肉。 我哋點咗個春日燒烤套餐，呢個套餐係新年限定，仲有豬手送，真係又平又抵食，點可以錯過！ 前菜小碟有泡菜、芽菜、酸蘿蔔等等，如果唔夠食仲可以再添加。 食燒肉前先食啲沙律先🥗，個沙律加咗柚子汁，味道好清新，車厘茄🍅鮮甜多汁，生菜新鮮爽脆。 最鍾意呢度好似韓國咁，可以任加粟米芝士🧀同蛋漿，蛋漿入面加咗泡菜，更加有韓式風味。粟米芝士建議大家可以燒耐少少時間，有少少焦黃脆身會更加好味。 個套餐有好多嘢食，有特級牛肋骨、貝身肉、韓式秘製醬油豬五花、雞爽肉、伊比利亞豬梅花肉同埋大紅蝦。🦐 先講講個特級牛肋骨，好長呀，有半隻手臂咁長。肉質軟嫩，肉味頗濃。 雞爽肉食落真係爽口，唔怪之得叫雞爽肉。 韓式秘製醬油豬五花🐷唔會太過肥，又嫩又多汁，燒到微微焦香更加能帶出其油香味。 伊比利亞豬梅花肉肉質鮮美可口。 大紅蝦🦐夠晒大隻，好新鮮，夠彈牙，蝦頭又好多蝦膏。 八爪魚🐙大大隻，新鮮彈牙，不過都幾辣。 新年套餐限時送嘅韓式豬手，雖然只係半份，但份量都好多，有十幾片，呢個係熟食，就咁食就得，唔需要燒，佢除咗可以就咁食，另外韓國人仲有另一種食法，就係
好食嘅嘢真係食幾多次都唔會厭，今日lunch又嚟到炑八幫襯食燒肉。
我哋點咗個春日燒烤套餐，呢個套餐係新年限定，仲有豬手送，真係又平又抵食，點可以錯過！
前菜小碟有泡菜、芽菜、酸蘿蔔等等，如果唔夠食仲可以再添加。
食燒肉前先食啲沙律先🥗，個沙律加咗柚子汁，味道好清新，車厘茄🍅鮮甜多汁，生菜新鮮爽脆。
最鍾意呢度好似韓國咁，可以任加粟米芝士🧀同蛋漿，蛋漿入面加咗泡菜，更加有韓式風味。粟米芝士建議大家可以燒耐少少時間，有少少焦黃脆身會更加好味。
個套餐有好多嘢食，有特級牛肋骨、貝身肉、韓式秘製醬油豬五花、雞爽肉、伊比利亞豬梅花肉同埋大紅蝦。🦐
先講講個特級牛肋骨，好長呀，有半隻手臂咁長。肉質軟嫩，肉味頗濃。
雞爽肉食落真係爽口，唔怪之得叫雞爽肉。
韓式秘製醬油豬五花🐷唔會太過肥，又嫩又多汁，燒到微微焦香更加能帶出其油香味。
伊比利亞豬梅花肉肉質鮮美可口。
大紅蝦🦐夠晒大隻，好新鮮，夠彈牙，蝦頭又好多蝦膏。
八爪魚🐙大大隻，新鮮彈牙，不過都幾辣。
新年套餐限時送嘅韓式豬手，雖然只係半份，但份量都好多，有十幾片，呢個係熟食，就咁食就得，唔需要燒，佢除咗可以就咁食，另外韓國人仲有另一種食法，就係將生菜🥬、蒜🧄、青瓜🥒、青椒包住嚟食，可以減低油膩感，而且亦有多重味道嘅享受，感覺更加特別。
Post
