豚王 (Moved) New Location

如果鐘意食拉麵又有去豚王食既朋友仔，就會留意到點單個陣第一行就有一個叫限定王。今日CHECK番手機先記得原來食過豚王既限定王：咖哩薯片拉麵。其實去日本個陣都曾經因為綽頭而食過薯片拉麵，感覺普通。呢次豚王既限定係薯片，就一於為試而試。豚王既拉麵普遍濃味，而且味較厚，但佢後加上既薯片係淡鹽味，唔會太影響到麵既湯，不過總之一個字：濃。而且今次個湯底係類似黃咖哩味，所以味道又重，偏鹹小小，我都頂不順，所以薯片沾上湯都已經係咖哩味薯片。麵今次無咩太大分別，不過當整體感覺真係麻麻，因為薯片"淋"左既感覺同麵溝埋真係唔多掂。可一不可再，不過依家我都無見過佢出，睇黎限定真係限下好，保持番自己傳統拉麵既質素更好。