呦呦鹿鳴布丁燒

Open Now

Now Closed

近排轉左黎葵芳番工，附近有得掃街好開心😎今晚約左男朋友接我放工，順便去葵廣掃街，重温下當年做學生妹既感覺😂平日夜晚既葵廣依然咁多人，而我依然會係葵廣蕩失路🤣搵左好耐終於搵到呢間布丁燒😋店面好可愛，舖面牆身係店主親自畫既繪畫，好有心機👍有好多種味揀，選擇困難症又發作啦🤔原本揀好想食招牌既椰香，點知見到有限定既茉莉花茶，就一於試下新口味😎男朋友就揀左朱古力味。枱仔decoration好可愛😍有狐狸仔，刺猬仔同兔兔，打卡一流呀。布丁燒面有鹿既圖案，店員仲好細心俾我影相打卡先放落碟。我地影完相之後，店完仲好熟手咁加左少少糖漿，一手Cup轉左個布丁，震震下咁個布丁🍮就完完整整咁Cup左出黎了。食布丁前一定有指定動作，就係要動L下佢，2個布丁都好有彈性😂介紹番先，朱古力布丁係勁濃郁既朱古力味，有d似double chocolate咁，加上布丁本身微微地凍，就唔會話好膩。另一個茉莉花味布丁，食左一啖之後就慢慢滲透出淡淡既花香味，十分清新。整體黎講，係葵廣掃完街想輕食個甜品既話，呦呦鹿鳴布丁燒絕對係你其中一個選擇。