神燈海鮮酒家 (V Point)

Open Now

Now Closed

之前同阿女已經食過佐敦嘅分店，今日同佢去銅鑼灣配眼鏡，竟然比我見到神燈嘅另一間分店！趁住中午時間，同佢飲番個茶試一試佢啲點心！點心方面叫咗:瀨尿蝦蝦餃、魚翅灌湯餃帶子鳳眼餃、百花蒸釀魚肚通常蝦餃都係配甘筍，但係神燈永遠都會俾到驚喜顧客，居然用上瀨尿蝦做餡料，係成隻咬落嘅蝦味更加出眾，另一款魚翅灌湯餃真係好高性價比，飲得出係煲出嚟嘅雞湯，唔重味精之餘仲有真正嘅一大旺角梳魚翅！帶子鳳眼餃好鮮甜，百花蒸釀魚肚賣相好靚，魚肚清洗得好乾淨！小食方面，揀咗椒鹽雞軟骨、金沙四季豆、蘿蔔絲酥。雞軟骨咬落好有口感，椒鹽唔會太鹹，整體感覺炸得非常酥脆，至於四季豆用上蛋黃碎去炒，鹹鹹香香好惹味，最重要係平時屋企唔會咁樣整。仲有個蘿蔔絲酥，裏面嘅蘿蔔餡料非常之清甜，外層嘅絲酥做得一層一層。燒味方面當然要揀佢嘅招牌，伊比利亞叉燒，肥瘦好分明，肉質好Juice，醬汁調配得帶少少甜味，而且斬得好靚！最特別係佢會加上醃製咗嘅蘿蔔俾你解一解肥膩。仲有半個月，一定要把握佢嘅午市點心，因為而家做緊一律八折！最好要book定位，因為真係好爆場。