麻辣五三五 (Closed)

政府又有新一輪禁堂食措施，六點後無堂食，呢個時候就把握最後兩日去試新菜。咁啱見到呢間新開嘅川菜做緊優惠（75折）加上佢哋標榜係去四川考察後，以自家製嘅辣油製作各款美食，放工後決定去一探究竟，順便食辣暖下身。一去即刻影下相，店鋪唔算大，但都坐得幾舒服。對街嘅大落地玻璃仲有兩個霓紅燈可以打下卡。坐低就叫左佢哋嘅水煮桂花魚同蒜泥白肉試下味先。食到咁上下覺得仲係爭咁啲，見隔離枱個避風塘肥腸睇落唔錯，決定一於叫嚟試下。整體上如果你唔係好食得辣，呢間四川粵菜會好啱你食。環境同服務都唔錯，適合放工食下飯之餘傾下計。