壽司郎 (樂富廣場A區)

Open Now

Now Closed

食壽司郎，情況就同冇WiFi、電話又冇晒data，剩係可以限速上網睇a片一樣，諗好晒睇邊套（諗好食乜）、拎埋紙巾（拎籌號），但就要畀唔只啲啲耐性，慢慢等，等load到個網、等load到條片、等入座、等食得。記得初初頭幾次食壽司郎，終於等到入座，係真心覺得值得等，幾好食。不過呢次，無論食緊嗰刻，定係食完之後，都冇咗以前嗰種覺得「值回票價」嘅feel。可能係新屎坑三日香，食慣咗無咗新鮮感？或者真係質素、水準、味道唔同咗？不變嘅，肯肯定係吞拿魚蓉軍艦，咬落去依舊會冰凍到刺激敏感牙齒；帶子壽司好正，爽滑彈牙多汁，口感好full；三文魚壽司呢啲，比起差唔多價位嘅其他壽司品牌嚟講，的確係肥美啲；至於玉子、腐皮、三文魚子呢類，我會歸類為基本款、標準配備嘅壽司，質素真係一般貨色，同爭x，甚至同外賣壽司店x尚之流，冇乜分別。總括而言，等咁耐，唔只愛啊哈利，仲係緊火呀。