西香記 (Closed)

呢日晏晝喺堅尼地城有嘢做，於是就上完堂之後揀咗呢間就近嘅西香記食喇～之前喺網上見到有人推薦佢，今次終於可以去試下呢度係採用快餐模式咁嘅，喺櫃檯嗌完嘢食就攞飛坐埋位，叫到你個number就攞得喇！我就叫咗呢啲嘢食～有涼拌青瓜、肉夾饃、炸醬麵同埋熱豆漿～首先就試咗青瓜先嘅～好fresh，又唔係好辣，好有我以前中學嘅時候一間成日食嘅米線舖嘅味道TT跟住就到肉夾饃喇！我叫咗金牌肉夾饃，係用豬肉整嘅～一渣上手 好熱！佢嘅大細差唔多手掌咁大，食一個都幾飽架～一咬落去就首先食到嘅係個外層～普通包嘅質地，但係外面有啲啲脆跟住就食到啲肉喇～嘩 一咬 就有好多肉汁流曬出嚟肉好入味，唔會話太鹹。而且撕到好幼好幼，好好咬xd然後就試炸醬麵喇～佢用嘅麵係好粗好長嘅手打麵嚟～除咗好有咬口之外，麵粉味都好重～炸醬、蘿蔔絲、青瓜絲鋪滿麵嘅表面，因為啲麵好大炸，都有啲難撈xd炸醬鹹鹹地，配埋配料同個麵好夾！！後尾睇番我影咗嘅相先見到係有托盤收集處嘅，我食完都唔記得左要執番張枱添:/辛苦店員了！呢度仲有外賣服務，懶惰嘅你哋可以試下叫外賣呀！！