三木日本料理 (Closed)

約了美女食飯，大家都想食放題，上網見呢間唔錯，訂位好爽快，去到早場時間大家入座好爽，二人枱好窄，坐低即刻點菜，當然以刺身壽司行先！食物好快到，擺盤好靚！每款新鮮唔會有雪！最喜歡係赤貝，無腥味又爽口！蝦又大又新鮮！軍艦賣相比較差，出菜可能好急，蟹子灑到成碟都係！不過味道好正！尤其海膽！好鮮好甘香！炙燒左口魚裙邊：本來好油香，但啲杰撻撻嘅燒汁破壞晒！沙律：北寄貝太多沙律醬，青瓜海帶淡茂茂！天婦羅叫了最喜歡嘅南瓜同蕃薯，蔬菜夠甜，但炸粉好厚！一般！串燒牛舌：薄切熱辣辣，油香滿咀！串燒：蕃薯甜但濕，白果特別，蛋淡口，燒菠蘿好甜！雪榚：預先𢳂定，雪到實晒，味道又唔夠！一般！服務勤快，基本上食完就有店員收碟，點菜紙又快收！不過收錢快手，會提醒我們last order!