浜松水產 (Closed)

訂了6:30食飯，去到得兩枱人。個場唔full, 但係想找人落單叫食物，等了好久都唔見人。終於等到有待應經過可以落單。一開始他已經唔耐煩，我們已經快快叫完食物，就打算叫酒飲。只係叫他推薦些日本酒，他就愈來愈唔耐煩，話每款飲落都差唔多味。其實我心想個場唔full, 你又唔係好忙，連介紹食物嘅耐性都無。我真係寧願用QR code 落單，好過受你氣。好彩刺身龍蝦拼盤係好味，所有嘅刺身都係偏向新鮮，係今晚最滿意的食物。不過牛舌串燒燒得唔平均，上嫩下老。免治雞軟骨串，正常發揮，但係就無燒香味，就好似用易潔鑊煎好。反而芝麻雞翼，就炸得脆口，明太子玉子燒係好食，這些相比其他幾款熱食好，送酒唔錯。由於地庫冷氣實在太大，又唔可以調細。食完刺身後，就愈坐愈凍。我們就叫多幾款熱食。不過我們一致覺得味道太唔似日式，反而似港式日本菜。如果一心想試日本居酒屋味道和風味，就真係唔好叫。首先係蒜蓉燒帶子，其次是壽喜燒牛肉鍋。我寧願叫明太子燒帶子或者其他。總括嚟講，試一次就足夠，食物質素平平。其次他們俾人嘅感覺係，只做熟人生意。生客連招待都免。如果打算慶祝，都係找其他店好些。