Video
Read full review
2022-06-01
1797 views
其實，好少寫負評, 因為再唔好食, 其實都係一餐, 最多下次唔去。但今次破格, 因為真係忍唔住, 真心CP值太低。睇完某KOL嘅youtube片，見佢講到隻雞咁正, 諗住帶啲朋友去食好東西......佢主打係Tapas, 我都知係細細份嘅, 分量無問題, 我無意見。但款式好少, 10樣有8樣係炸物, 交貨黎咁樣, 無咩技術可言。墨西波, 個名好有趣, 食起上黎就好似普通炸免治肉球, 無特別, 就係肉球一個; 韓式水牛城雞鎚 , 又係好普通。叫咗個意大利水牛芝士車厘茄沙律 , 味道好普通;最深刻印象係入邊嘅迷仔水牛芝士, 係無味嘅(唔係淡味, 係無味, 好想知係咩牌子...) 我有認真去"嗒"下陣味, 真係, 無。日本一級海膽醬意大利飯, 熱嘅時候已微腥, 凍咗少少就更腥, 其中一個friend, 食咗一啖, 就放低咗隻叉, 唔出聲....我唔想浪費食物，唯有食埋佢。要訂嗰隻香燒三黃雞, 就係睇片話必食嘅, 等咗一個鐘 (無問題, 你同我講要等, 我有心理準備就唔會嘈) 滿心期待, 諗住比佢翻盤嘅機會。味道一般, 有啲酒香, 雞味唔出, 除咗雞脾位置稍為嫩滑, 其餘都"鞋", 燒雞
睇完某KOL嘅youtube片，見佢講到隻雞咁正, 諗住帶啲朋友去食好東西......
佢主打係Tapas, 我都知係細細份嘅, 分量無問題, 我無意見。但款式好少, 10樣有8樣係炸物, 交貨黎咁樣, 無咩技術可言。
墨西波, 個名好有趣, 食起上黎就好似普通炸免治肉球, 無特別, 就係肉球一個; 韓式水牛城雞鎚 , 又係好普通。
叫咗個意大利水牛芝士車厘茄沙律 , 味道好普通;最深刻印象係入邊嘅迷仔水牛芝士, 係無味嘅(唔係淡味, 係無味, 好想知係咩牌子...) 我有認真去"嗒"下陣味, 真係, 無。
日本一級海膽醬意大利飯, 熱嘅時候已微腥, 凍咗少少就更腥, 其中一個friend, 食咗一啖, 就放低咗隻叉, 唔出聲....我唔想浪費食物，唯有食埋佢。要訂嗰隻香燒三黃雞, 就係睇片話必食嘅, 等咗一個鐘 (無問題, 你同我講要等, 我有心理準備就唔會嘈) 滿心期待, 諗住比佢翻盤嘅機會。味道一般, 有啲酒香, 雞味唔出, 除咗雞脾位置稍為嫩滑, 其餘都"鞋", 燒雞, 皮唔脆....白灼伴菜, 又係無味嘅。
唯一格硬搵樣嘢讚，就係啲野食夠熱。講環境, 我唔係要食玻璃嗰啲客, 我唔太介意環境, 乾淨就可以。除咗張椅有啲啲唔舒服，無特別。
講服務, 話哂係table service, 我預佢都會見啲碟有骨有沙律汁, 會幫手換下先食意大利飯....無。
係, 係 wine & tapas，不過食品除咗普通, 諗唔到第二個形容詞, Tapas唔見得特別出色, 就好似係預你飲過酒之後味覺變弱, 就隨便做啲食物比你佐酒嘅感覺。四個人差不多每人$400, 可能大部分去咗做佐敦地舖租金。
怪就怪我啲同事唔飲酒, CP值真心低。
最後食完，啲朋友佢地好好，無出聲批評, 但毫無表情咁離開, 我勁唔好意思, 覺得自己好失敗。
Post
