上村牧場 (Closed)

連續第二日都係響銅鑼灣開工，今次同咗個朋友去食上村牧場，因為聽人講好味得來有得玩有得食，趁有人一齊試嘅時候去食就最啱。可能去嘅時候啱啱過咗午飯高峰期，所以人唔多，環境亦都唔錯。銅鑼灣地鐵站上嚟時代廣場就係。我哋叫咗兩種唔同嘅燒肉定食，朋友比較鍾意食豬肉，所以佢叫咗個豬肉再加蜆，我就叫咗個海鮮再加牛肉，份量嚟講都算係可以嘅。仲有加埋可以自己出去無限添加飲品，飲品嘅款式亦都算多，凍凍地嘅時候可以係咁不斷飲朱古力，咖啡，同埋茶已經好爽。仲有佢嘅醬料係比你自己調校嘅，等個餐嚟嗰陣時可以玩住先，係幾開心嘅，識落個味道都唔錯，不過朋友話摸磨蘋果嘅時候磨得耐咗有啲攰，好彩食嘅時候滿足感補返數。