Joe & The Juice (Closed)

由於好朋友話想去銅鑼灣嘅時代廣場買啲嘢送畀臺灣嘅好朋友，所以我們就一齊去咗買，喺買完之後好朋友就話想搵個地方坐低飲杯嘢，所以我們就揀咗呢間係飲鮮搾果汁嘅「Joe & The Juice」食個下午茶！喺諗緊叫咩嚟飲嗰陣，我們就問店員有咩推介？我們就話想要最受歡迎，或者有士多啤梨嘅，所以店員就好親切有禮咁同我們介紹咗Sports Juice同Iron Man！Sports Juice入面有熱情果、菠蘿同蘋果，因有熱情果嘅關係，所以味道非常清新芳香，而且飲完仲有一種齒頰留香嘅感覺！Iron Man一開始聽到個名就覺得係相當多人客買，因喺英雄人物入面其中一個最受歡迎嘅，入面有草莓、獮候桃同蘋果，因有草莓，所以色澤賣相相當吸引，味道酸酸甜甜非常醒胃，而且仲有啲果肉同草莓嘅籽，令到口感更加豐富！Joe’s Club Sandwiches嘅包聽店員話係嚟自丹麥，而且係用太陽籽同麥做成，質感超酥脆薄身，至於材料就有雖然係鷄胸嘅位置，但完全唔會有「嚡」嘅感覺，而且份量超多嘅鷄肉、軟滑嘅牛油果同清甜新鮮嘅蕃茄，再配埋啲青醬一齊食，真係超正呀！係本人嘅必食推介！