Fiat Caffé (Closed)

除夕夜，想係尖沙咀區食D特別既野然後去倒數，幾位朋友提議去「快意」一番。到餐廳時已經9點幾，個個都非常肚餓，見到餐牌有好多野食，比起之前銅鑼灣店更多選擇。我地有6個人，所以諗住叫5樣野大家SHARE，等大家每樣野都可以試D。見之前銅鑼灣店無PIZZA食，決定叫2個PIZZA黎試。2個PIZZA個皮都好脆同夠薄，D料落得好足，好可惜無厚批供應。法國鵝肝繪飯既飯諗度適中，顏色夠鮮，賣相非常好。黑松露野菌手搓粉，哇，呢個超好味，手搓粉個口感超好，個汁好重黑松露味，好好味。龍蝦汁鮮大蝦扁意粉係我第2喜歡既，個龍蝦汁好濃好重味，加埋隻大蝦，簡直一流。