Video
Read full review
2009-01-25
10 views
一直好想試風月堂，今日咁啱男朋友早放，就諗住去食個tea set然後行年宵，點知3:00去到，都仲要等八張枱，等左半個鐘先入得去，睇黎個市真係幾旺喎本來以為肯定有tea set，點知話今日無set喎，後尾聽到Ｄwaiter圍內講由今日起到初四都獅子卡都無優惠，先知道應該係想趁農曆新年搵多一筆，唉，過節無計啦，唯有散叫三文魚蟹籽炒飯：蟹籽夠多，鋪晒係飯面，熱辣辣唔錯，不過如果拎走晒Ｄ蟹籽，就係普通的揚州炒飯，不過加左冬菇粒，而且味道偏咸～三文魚雜菌墨汁闊麵：望落去好似幾多汁，因為鋪滿晒係每一條麵上面，無乜撈汁的空間，但係食落去一Ｄ汁都食唔到，墨魚麵除左粗身Ｄ，味道同普通意粉無乜分別，感覺就係齋食碳水化合物咁，不過勝在三文魚同菇都夠多，尚算肯落多Ｄ本～朱古力蛋糕杯：vanilla雪糕球＋水果片＋蛋糕粒＋栗米片＋cream＋iced chocolate＋涼粉（定係jelly？）的組合，賣相夠靚夠精緻，但係飲落去只係一杯豪華版的凍朱古力，雪糕球好明顯係牛奶公司，連極度嗜甜的我都嫌太甜，蛋糕粒有原味同朱古力味兩種，反而就幾香，cream好杰身，但係唔夠滑，得個甜字，個人還是喜歡夢見屋的cream
本來以為肯定有tea set，點知話今日無set喎，後尾聽到Ｄwaiter圍內講由今日起到初四都獅子卡都無優惠，先知道應該係想趁農曆新年搵多一筆，唉，過節無計啦，唯有散叫
三文魚蟹籽炒飯：蟹籽夠多，鋪晒係飯面，熱辣辣唔錯，不過如果拎走晒Ｄ蟹籽，就係普通的揚州炒飯，不過加左冬菇粒，而且味道偏咸～
三文魚雜菌墨汁闊麵：望落去好似幾多汁，因為鋪滿晒係每一條麵上面，無乜撈汁的空間，但係食落去一Ｄ汁都食唔到，墨魚麵除左粗身Ｄ，味道同普通意粉無乜分別，感覺就係齋食碳水化合物咁，不過勝在三文魚同菇都夠多，尚算肯落多Ｄ本～
朱古力蛋糕杯：vanilla雪糕球＋水果片＋蛋糕粒＋栗米片＋cream＋iced chocolate＋涼粉（定係jelly？）的組合，賣相夠靚夠精緻，但係飲落去只係一杯豪華版的凍朱古力，雪糕球好明顯係牛奶公司，連極度嗜甜的我都嫌太甜，蛋糕粒有原味同朱古力味兩種，反而就幾香，cream好杰身，但係唔夠滑，得個甜字，個人還是喜歡夢見屋的cream好彩加左栗米片，脆脆地有咬口可以中和下，不過實在太少，唔夠送cream自從飲過Godiva的chocolixir後，除卻巫山不是雲，一般凍朱古力我都無乜feel，覺得佢無朱古力味，又係得個甜字......可幸係加左涼粉幾清新～
熱紅豆酥盒：紅豆雪糕＋酥皮＋cream＋紅豆賣相超靚，不過我expect佢真係＂hot＂，唔係＂not cold＂囉～酥皮幾香牛油味，同夠脆，配cream都ok，不過又係衰在cream的味太甜太膩，搶左酥皮Ｄ牛油味紅豆雪糕唔錯，有紅豆粒幾清新，好過vanilla咁牛奶公司味，不過食過ruby tuesday同outback的煙韌型ice-cream，就覺得風月堂的ice-cream平平無奇，圍住酥皮盒的紅豆就好好味，好軟起沙，而且夠多，非常好味，令紅豆魔非常滿足！我認為係今餐最滿意的一道菜
waiter有Ｄ散漫，十叫九唔應，成日都唔酙水，上菜超級慢，甜品整得仲慢過主菜，三催四請waiter都係哦哦哦，都唔知係真係精心炮製定係失左單之後想問佢要一隻甜品叉方便食，佢哦左之後到我地食完都無俾我地難道真係唔憂做？
總體黎講，環境幾好，因為多卡位，坐得好舒服，而且枱枱之間又多space，所以幾適合傾計；
食物方面：因為落料多，所以賣相夠靚夠精緻，但係味道實在一般，有虛有其表之嫌，個人認為夢見屋的性價比較高，野食好味Ｄ，價錢又平Ｄ
我諗下次除非同ＦＤ一齊黎，否則都未必會再黎食了～
Post
