麺屋武蔵虎洞 (青衣城) (Closed)

今日同朋友去咗青衣行街shopping，見到有間日本餐廳之前網上好多人介紹過，所以決定去試下，佢位置好方便就係青衣城入面，入到去發覺裝修好有地道日本風情，而且坐位寬闊舒適，佢地侍應仲好有笑容，會主動同妳打招呼，今時今日咁既服裝態度確實難得！之後我地馬上叫嘢食！首先上嚟係主力推介既虎尾拉麵，佢既拉麵煮得剛剛好，非常有口感，而且佢既虎尾腸又大又長，豚肉肉質鮮嫰、配上秘製豚骨湯底，簡直係完美配搭！我朋友就叫咗個赤虎叉燒拉麵，我試咗幾塊叉燒，發覺肉質非常嫰口，肉汁又多，而且每塊又大又厚，絕對抵食，佢既湯底有比較香辣，所以好適合喜歡濃味朋友既口味！小食我地叫咗蘆筍苗牛肉卷同埋明太子玉子燒，佢既牛肉卷係皇牌必叫之選，鮮甜蘆筍卷上嫰滑既牛肉，外層淋上秘製燒汁，食落濃郁既牛肉香味完全係你既口腔回盪，歷久不散，另外佢既玉子燒亦係驚喜之作，蛋皮煮得剛剛好，加上沙津醬，勁滑勁好食，所以大家一定要試下佢！