禮品印度餐廳 (Closed)

睇openrice先知香港仔有喱間餐廳,原來o係正最偏遠o既角落,唔怪得冇咩留意,所以lunch時間去都係得兩個人幫襯.叫個set lunch,有餐湯,咖喱羊肉同飲品.餐湯味道極濃,有芫茜,胡椒同其他香料味,幾特別,相當好飲.咖喱羊肉跟炒雜菜,烤餅同胡椒餅,炒雜菜ok,主要為菜心,夠腍.咖喱羊肉亦做得好腍,全冇羊羶味,極好.咖喱就要左小辣,點知食落全冇辣味,但就好香咖喱味,配烤餅食一流.烤餅較特別,外圍較厚似麵包,內層較薄較脆及香口.而胡椒餅則如其名,胡椒味極重,重到辣味咁.整體尼講由印度人主理o既咖喱水準當然有番咁上下.個人覺得佢o係香港仔係除左謝記同曼谷泰菜之外o既最佳選擇.