川火堂

Open Now

Now Closed

勁想食糍粑，冰粉，所以唔好辣嘅我嚟左呢度。點菜時不斷問有冇得BB辣或唔辣😅，店員都覺得我奇怪😅。店內走懷舊風，古色古香，配上香辣川菜，好有味道。🥢農家小炒肉 $98肉炒得乾身焦香，由於唔係舊舊青椒都辣，食得好有驚喜😆好滋味，配飯一流👍🏻。🥢清炒萵筍絲 $78好鐘意食萵筍，呢個芡汁較多，食落好滑口。🥢經典麻辣香鍋揀左秘製醬香口味 $32/鍋配菜：午餐肉，牛百葉，洋芋片，蓮藕片，燉牛肉，魷魚須 $48/款送飯系列，秘製醬香有濃濃孜然粉味，好香。洋芋片軟淋，蓮藕片爽脆，兩個都切得薄，牛百葉吸晒啲汁好食。特別在午餐肉，配呢個醬好味。不過濃味餸菜，食到尾有啲漏。🍨手工紅糖糍粑 $46最期待呢個，外面炸得脆，入面煙韌軟糯，配上唔太甜黑糖，黃豆粉，正，唔好睇佢細細碟，食晒勁飽😆，必點👍🏻。🍨熊貓冰粉 $32可愛熊貓棉花糖裝飾，冰粉似白涼粉，好清新，面頭花生碎增加口感，冰粉非常適合食完辣或濃味食物，必食👍🏻。