三多炸肶 (Closed)

由於食左餐唔太滿意嘅上海菜（參考元朗京滬村食評），我未夠飽，所以我再去左三多，打算食隻炸脾頂頂肚。因為上次叫套餐，飲品沖得唔係太好飲，今次就決定單點雞脾。睇睇下，又想試埋其他野，但原來佢地除左雞脾嘅價錢係較抵食之外，小食都唔平例如：炸芝心丸係$45、雞軟骨係$50咁由於我冇食過，唔知份量如何，但單睇價錢，我唔會點，所以最後只係點左炸脾、腸粉。三多炸雞脾 $29同上次嘅感覺一樣，依然炸得好香脆，雞肉好滑，但都係覺得肉冇乜味，我食就一定要加辣粉香辣肉碎炒腸粉 $35本來見腸粉要三十幾蚊，都唔係好捨得點，但朋友話想食…睇落就幾大兜，但實際腸粉份量唔多。食落幾惹味，不過真係貴左少少。話明香辣肉碎，醬汁就有，但我地覺得唔夠辣。而且炒腸粉，炒到咁濕，純粹個人口味唔太啱食。腸粉大大條，但唔係特別滑，仲有些少硬身…我下次都係食番炸脾算~