Golem Craft Beer (Closed)

石門近排成為沙田區最多唔同野食的地方，對於唔想再去沙田市中心食飯的沙田友黎講，係一個唔錯既選擇。今晚同友人黎到呢間酒吧，酒吧都算幾大，樓底幾高，入到酒吧，bar枱後面有個很大的位置放酒，感覺很美。而且重點係呢間酒吧一D煙味都冇!跟友人晚上放工便來chill，所以都未食野，幸好這間酒吧除了有酒飲之外，還有小食及正餐提供。American Ipa($82)、OH, Bacon!($88)，點了這兩款手工啤酒試試。前酒味道較甘，比較適合男士飲用。後者聞上去有煙肉的味道，飲落去味道都有點煙肉，稍後先出返啤酒的甘味，幾得意!煙肉芝士薯條($70)，飲啤酒當然要揀選一D香口野食下，這裡的薯條是粗薯條，薯條淋上淡口的芝士，上面再灑上煙肉條，用來送酒一流!泡菜豬肉雞翼($88)，雞翼去骨釀入泡菜豬肉，泡菜唔算好辣，雞翼炸得脆口，食落很惹味!美式燒烤豬仔骨($198)，豬仔骨整得都幾淋，外層煎得有點脆口，BBQ醬汁如果可以再多一點點的話會更惹味!豬仔骨還配有薯條，所以食完這幾樣食物都已經飽飽地了!總括黎講，這間酒吧除了是星期五放工傾計飲酒的好去處，這裡也有大螢幕俾大家睇波。另外由於附近也有酒店，都吸引了